Тошкент вилояти адлия бошқармаси томонидан  оталиққа олинган  ёшларнинг муаммолари, қизиқишлари, мурожаатлари маҳаллабай, хонадонбай тарзида ўрганилиб, манзилли ишлар давом этмоқда.    

Хусусан, Зангиота туманидаги Туркистон ва Қаҳрамон маҳаллаларида истиқомат қилувчи оталиққа олинган ёшларнинг бўш вақтини мазмунли ташкил этиш, уларни ватанпарварлик руҳида тарбиялаш мақсадида ёшларнинг Тошкент давлат юридик университети ва Темурийлар тарихи давлат музейига ташрифлари ташкил қилинди.

Тадбирда оталиққа олинган ёшларга университет тарихи, ўқув йўналишлари ва имкониятлари ҳақида батафсил маълумотлар берилди. Ёшлар Темурийлар тарихи давлат музейида ҳам бўлиб, Соҳибқирон ва унинг авлодлари ҳақида ҳикоя қилувчи ранг-баранг экспонатлар билан яқиндан танишди.