Мазкур ҳолат жорий йилнинг 15 октябрь куни Самарқанд вилояти Оқдарё тумани “Тараққиёт” маҳалласидаги хонадонлардан бирида юз берган. Бу ҳақда “Миллар” дастурида маълум қилинди. Аниқланишича, кечки соат 16-17:00 атрофида хонадонда ис газидан заҳарланиш ҳолати юз берган. Вафот этганларнинг энг кичиги 4 ёш атрофида бўлган. Қўшни аёлнинг айтишича, улар кўчиб кетган, шанба–якшанба куни келиб, уйларини тозалаб, хабар олиб кетарди. Газ трубаси тўлиб қолган бўлиши мумкин. “Мен келаётганимда ўғли дод-вой қилиб, бақирди. Биз кирганимизда хонани газ қоплаган, ҳамма ўлиб бўлган эди”. Ҳозирда мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.