Ҳуқуқ
14.09.2024
96
Вазирлар Маҳкамасининг 2.06.2016 йилдаги 183-сон қарори билан тасдиқланган Низомга 4-иловада Ҳаво кемаларида ташиш тақиқланган моддалар ва нарсаларни олиб қўйиш, сақлаш муддатлари, ишлатиш ёки йўқ қилиш тартиби келтирилган.
Қўл юки ва багажни кўрикдан ўтказаётганда аниқланган, самолётларда ташиш тақиқланган моддалар ва нарсалар далолатнома тузмасдан ҳақ тўлаб (ҳақ тўламай) олиб қўйилади ва ҳаво кемаси бортига қўйилмайди. Уларни ташиш қоидаларига риоя этилмаганлиги учун йўловчи жавобгар бўлади.
Эркин сотишда бўлган, бироқ ҳаво кемаларида ташиш тақиқланган моддалар ва нарсаларни (газли баллонлар, ёниш хавфи бўлган лаклар, бўёқлар ва бошқа ўхшаш моддалар ва нарсаларни) кузатувчи шахсларга топширилади ёки далолатнома бўйича сақлашга берилади. Агар 2 ой мобайнида уларни эгалари ёки уларнинг топшириғи бўйича бошқа шахслар қайтариб олмасалар,
МХХ хўжалик хизматларининг далолатномаларига асосан техник мақсадларда ишлатиш учун топширилади ёки белгиланган тартибда йўқ қилинади.
Кўздан кечириш пайтида ундан тайёрланиши, олиб юрилиши ёки сақланиши учун жиноий ёки маъмурий жавобгарлик назарда тутилган моддалар ва нарсалар (портловчи моддалар, портловчи қурилмалар, ўқотар резьбали қурол, наркотик, заҳарли, заҳарлайдиган моддалар) топилган йўловчи рейсдан олиб қолинади ва материаллар (баённома ва олиб қўйилган нарсалар) билан бирга уни жавобгарликка тортиш масаласини ҳал этиш учун МХХ ёки ИИВ органларига топширилади.
Йўловчиларни текшириш пайтида аниқланган, самолётда зўравонлик ва таҳдид воситаси сифатида фойдаланиш мумкин бўлган, бироқ халқаро ҳаво алоқалари қоидалари ва божхона органлари томонидан ташишга рухсат этилган моддалар ва нарсалар багаж бўлимида ташишга қабул қилиниши мумкин.
Самолётда учишга келмаган йўловчиларнинг багажи ва қўл юкини ташиш қатъиян тақиқланади.
Низомга 6 ва 7-иловаларда ҳаво кемаларида салонда (йўловчининг қўл юкида) ташишга рухсат этилган моддалар ва нарсаларнинг ҳамда чекловлар ва шартлар билан рўйхатдан ўтказилган багаж сифатида ташишга рухсат этилган буюмлар ҳамда моддаларнинг рўйхатлари келтирилган.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Хусусий мулк ва мулкдорлар ҳуқуқларининг ҳимоя қилиниши кучайтирилади
Унга кўра, уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни белгиланган тартибда қопланишини назарда тутувчи ўзгартириш ва қўшимчалар киритилмоқда.