Ўзбекистон
30.10.2023
439
“Ер тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги Қонун қабул қилинди. Қонун билан Фуқаролик, Ер ва Шаҳарсозлик кодексларига ўзганинг ер участкасидан чекланган тарзда фойдаланиш ҳуқуқи (сервитут) институтини янада ривожлантиришга қаратилган қатор нормалар киритилди. 1. Ер участкасига бўлган ҳуқуқ бошқа шахсга ўтказилганда ҳам сервитут сақланади. 2. Сервитут олди-сотди, ҳадя, гаров ёки ижаранинг мустақил предмети бўлиши мумкин эмас, шунингдек уни сервитут белгиланган кўчмас мулкнинг ҳуқуқ эгаси бўлмаган бошқа шахсларга бериш тақиқланади. 3. Бинолар, иншоотлар ва бошқа кўчмас мулкларга ҳам сервитут белгиланиши мумкин. 4. Сервитут тўғрисидаги шартномада кўрсатилиши лозим бўлган шартлар белгиланди. 5. Жамоат эҳтиёжлари учун давлат томонидан сервитут белгилаш тартиби жорий этилди. Унга кўра, оммавий сервитут қуйидаги мақсадлар учун белгиланиши мумкин: – қонунчиликка мувофиқ ўзганинг ер участкасида геология-суратга олиш, қидириш, геодезия ва бошқа қидирув ишларини амалга ошириш; – ўзганинг ер участкасидан умумий фойдаланишдаги электр узатиш тармоқлари, алоқа линиялари ва бошқа линиялар, трубопроводлар, ички суғориш тармоқлари, муҳандислик тармоқлари ҳамда бошқа тармоқлар ўтказиш ва улардан фойдаланиш. Оммавий сервитут манфаатдор ташкилотларнинг мурожаатлари асосида вилоятлар, Тошкент шаҳар ҳокимининг қарори билан ўрнатилиши белгиланди. Бунда, суғориладиган ерлар, табиий ҳудудлар, маданий мерос объектлари ерларига оид қарорлар тегишли соҳадаги ваколатли давлат органи билан келишилади. Мазкур қоидалар орқали тегишли манфаатдор ташкилотлар оммавий сервитутнинг мақсадларидан келиб чиқиб, ўзларининг фаолиятларини тўлақонли амалга оширишига қулайликлар яратиб беради. Адлия вазирлиги масъул ходимлари У. Жаксимуратов ва Ф. Жураев
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Тадбиркорни 21 минг АҚШ долларига чув туширган шахс ушланди
Фирибгар тадбиркорга ер майдони олиб беришни ваъда қилган.
Иккита ҳудудда жами 150 минг АҚШ долларидан ортиқ пул эвазига ноқонуний ер сотмоқчи бўлганлар ушланди
Андижон ва Қорақалпоғистон Республикасида ер майдонларини ноқонуний сотиш ҳолатларига чек қўйилди.
Йил бошидан бери қарийб 4,5 минг гектар ер ўзбошимчалик билан эгаллаб олинган — Кадастр агентлиги
Эгалланган ерлардан 1,5 гектари табиатни муҳофаза қилишга мўлжалланган, 8,7 гектари эса тарихий-маданий аҳамиятга молик ерлар бўлган.
3 вилоятда ноқонуний ер сотаётганлар ушланди
ДХХ 3 та вилоятда ноқонуний ер савдоси билан боғлиқ ҳолатларни аниқлаган.