ИҲТ доирасида Ўзбекистон томонидан иқтисодиёт, савдо, транспорт, туризм ва бошқа қатор соҳаларда муҳим ташаббуслар илгари сурилган эди. Ўзбекистон Туркманистон пойтахти Ашхобод шаҳрида ўтган Иқтисодий ҳамкорлик ташкилоти 15-саммитида Давлат раҳбари томонидан жами 8 та долзарб таклиф ва ташаббуслар илгари сурилган бўлиб, ҳозирги кунга қадар ушбу ташаббуслардан 5 таси тўлиқ бажарилган. ИҲТ доирасида Ўзбекистон томонидан иқтисодиёт, савдо, транспорт, туризм ва бошқа қатор соҳаларда муҳим ташаббуслар илгари сурилган. Хусусан қуйидагилар амалга оширилди: - Ўзбекистоннинг 2022 йилда ИҲТ раислигини самарали ташкил этиш ҳамда раислик даврини “Ўзаро узвий боғлиқликни мустаҳкамлаш йили” деб эълон қилиш; - ўзаро сармоялар оқимини кўпайтириш ва уларни ишончли ҳимоя қилиш, саноат кооперациясини чуқурлаш-тиришга қаратилган Қўшма ҳаракатлар дастурини (“Йўл харитаси”) қабул қилиш; - халқаро эколог олимлар ва экспертлар иштирокида юқори даражадаги (экология вазирлари) доимий Мулоқот кенгашини тузиш; - хавфсиз сайёҳликни ривожлантириш умумминтақавий Дастурини қабул қилиш; - ташкилот фаолиятини янада такомиллаштириш бўйича аниқ таклиф ва тавсиялар тайёрлаш учун юқори даражадаги Экспертлар гуруҳини тузиш. Қолган 3 та ташаббусни амалга ошириш бўйича ишлар олиб борилмоқда.