Таиландда 3 нафар ўзбекистонлик одам савдоси қурбонига айланди
Ўзбекистон
08.07.2023
451
Ўзбекистоннинг Бангкок шаҳридаги Бош консуллиги ходимлари томонидан Таиландга ишга бориб, одам савдоси қурбонига айланган уч нафар Ўзбекистон фуқаросига ёрдам кўрсатилди, деб хабар бермоқда “Дунё” АА Қайд этилишича, бош консулликка 19 ёшли Ж.М. одам савдоси қурбонига айлангани ва Таиланд ҳудудида яшаш учун тураржой ҳамда маблағсиз қолгани юзасидан мурожаат қилган. Фуқаронинг аризаси асосида Таиланд полицияси билан ҳамкорликда дастлабки суриштирув ишлари ўтказилиб, 3 нафар гумондорлар аниқланган ва улардан бири Таиланд ҳудудини тарк этмоқчи бўлган вақтда Бангкокдаги Суварнабхуми халқаро аэропортида ҳибсга олинган. Ҳозирда эса 2 нафар шахсга нисбатан қидирув-суриштирув ишлари давом этмоқда. Шунингдек, тергов давомида яна 2 нафар Ўзбекистон фуқароси одам савдоси қурбони сифатида мажбурий меҳнат билан шуғулланишга мажбурлангани аниқланган. Маълум қилинишича, ҳозирда Бош консулхона томонидан барча Ўзбекистон фуқароларига ҳомий ташкилотлар билан ҳамкорликда вақтинча тураржой, озиқ-овқат, кийим-кечак ва ватанга қайтишлари учун авиачипта олишда ёрдам кўрсатилмоқда. Ўзбекистон Бош консулхонаси фуқароларни Таиландга сафар қилишдан олдин ёлғон ваъдаларга алданиб қолмасликка, осон иш топишга оид таклифларга ишонмасликка ҳамда ушбу мамлакатга кириш ва унда бўлиб туриш чоғида маҳаллий қонунчилик талабларига қатъий риоя қилишга чақирган.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ўзини ўзи банд қилган шахслар қандай солиқ тўлайди?
Солиқ кодексининг 461-моддасининг биринчи қисми 2-бандига асосан солиқ даврида товарларни (хизматларни) реализация қилишдан олинган даромади юз миллион сўмдан ошган, лекин бир миллиард сўмгача бўлган якка тартибдаги тадбиркорлар айланмадан олинадиган солиқ тўловчилар ҳисобланиши белгиланган.
Мавзуга доир янгиликлар:
Ўзбекистонликлар учун Таиландга визасиз режим жорий қилингани ростми? ТИВ матбуот котиби тушунтириш берди
Аввалроқ, Таиландга 60 кунгача визасиз кириш ҳуқуқига эга давлатлар қаторига Ўзбекистон ҳам киритилгани ҳақидаги хабарлар тарқалган эди.
Одам савдосига қарши курашиш ва муносиб меҳнат масалалари бўйича миллий комиссия ташкил қилинди
Фармон билан Миллий комиссиянинг асосий вазифалари белгиланди.
Одам савдоси билан шуғулланган ўзбекистонлик аёл Уммондан экстрадиция қилинди
У бир гуруҳ шахслар билан жиноий тил бириктириб, БАА ва Уммонда яхши маошли иш ва гўзал ҳаётни ваъда қилиб, қизларни чет элга олиб кетган.
Самарқандда 3 кунлик чақалоғини сотмоқчи бўлган аёл қамалди
Аёл қизини 50 миллион сўм эвазига сотишга келишган.