ИИВ матбуот котиби ижтимоий тармоқларда тарқалаётган видеотасвир бўйича расмий ахборот берди. Ижтимоий тармоқларда тарқалаётган видеотасвирда 2023 йил 26 июнь куни тахминан соат 17.00 ларда, Тошкент вилояти Ғазалкент шаҳрида Ички ишлар вазирлиги Жиноят қидирув хизмати ходимлари томонидан Тошкент шаҳри Олмазор туманида содир этилган қотиллик жинояти бўйича гумонланаётган жиноий гуруҳ аъзоларини қўлга олиш жараёни акс этган. Маълум қилинишича, ҳозирда жиноят ишига оид тезкор-қидирув ҳаракатлари давом этаётганлигини инобатга олган ҳолда, ишга оид бошқа маълумотлар ошкор этилмайди.