Президентнинг 2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида»ги ПҚ-59-сонли қарори ижросини таъминлаш мақсадида, 2023 йил 31 август кунидан бошлаб бир қатор автобуслар йўналишлари қисқартирилди. Бу ҳақда “Тошшаҳартрансхизмат” АЖ Ахборот хизмати хабар берди. Маълум қилинишича, 31 август кунидан бошлаб: 98-сонли “Чилонзор буюм бозори — Электрокабел заводи” йўналиши ҳаракати Электрокабел заводи бекатидан Тошкент МУМ бекатигача қисқартирилади ҳамда 60-сонли “Электрокабел заводи — Тошкент МУМ” йўналишида хизмат кўрсатувчи Электорбуслар сони 4 тадан 8 тага оширилади. [caption id="attachment_19282" align="aligncenter" width="1280"] ФОТО: “Тошшаҳартрансхизмат” АЖ[/caption] 98-сонли йўналишдан фойдаланувчи йўловчилар Электрокабел заводи бекатигача етиб олиш учун янги — 60-сонли “Электрокабел заводи — Тошкент МУМ” йўналиши хизматларидан фойдаланиши керак бўлади. 2-сонли “Чилонзор 25-даҳаси — Экскаватор заводи” йўналиши ҳаракати Экскаватор заводи бекатидан Амир Темур хиёбони бекатигача қисқартирилади. 2-сонли йўналишдан фойдаланувчи йўловчилар Экскаватор заводи бекатигача етиб олиш учун 89-сонли автобус йўналиши хизматларидан фойдаланишлари мумкин. [caption id="attachment_19283" align="aligncenter" width="1280"] ФОТО: “Тошшаҳартрансхизмат” АЖ[/caption] 87-сонли “Қора қамиш 2/4-мавзеси — Чинни бозори” йўналиши ҳаракати Чинни бозори бекатидан Ал-Хоразмий бекатигача қисқартирилади.87-сонли йўналишидан фойдаланувчи йўловчилар Чинни бозоригача етиб олиш учун 146-сонли автобус йўналиши хизматларидан фойдаланишига тўғри келади. [caption id="attachment_19284" align="aligncenter" width="902"] ФОТО: “Тошшаҳартрансхизмат” АЖ[/caption]