Тошкент шаҳрида 4 сентябрь кунидан бошлаб қўшимча 7 та янги автобус йўналишлари ташкил этилмоқда, деб хабар берди “Тошшаҳартрансхизмат”. Қайд этилишича, 2023 йил 4-центабр кунидан бошлаб пойтахтимиздаги таълим масканларида навбатдаги ўқув йили бошланиши муносабати билан, жамоат транспорти хизматларидан фойдаланувчи йўловчилар оқими ортади. Шу сабабли, йўловчиларга кўрсатилаётган транспорт хизматлари сифатини ошириш ҳамда йўловчилар ташиш узлуксизлигини таъминлаш мақсадида, 4 сентябрь кунидан бошлаб, Тошкент шаҳридаги автобус йўналишлари сони 167 тага етказилади ҳамда кунлик ишга чиқарилаётган автобуслар сони 1 700 тага оширилади. Жумладан, йўловчилардан келиб тушган мурожаатлар асосида, 4 сентябрь кунидан бошлаб Тошкент шаҳрида қўшимча 7 та янги автобус йўналишлари ташкил этилмоқда.