Ўзбекистон элчиси Амирсаид Агзамхўжаев Полша ташқи ишлар вазирининг ўринбосари Марек Правда билан учрашув ўтказди, деб хабар қилмоқда "Дунё" ахборот агентлиги.

Суҳбат давомида Ўзбекистон-Польша муносабатларини яна-да мустаҳкамлаш ва аввал эришилган келишувларнинг амалий ижроси муҳокама қилинган.

Жорий йилга режалаштирилган қўшма тадбирлар, жумладан, Иқтисодий ҳамкорлик бўйича Ўзбекистон–Польша ҳукуматлараро комиссиясининг навбатдаги йиғилишига пухта тайёргарлик кўриш юзасидан фикр алмашилган,

Шунингдек, Польша Инвестициялар ва савдо агентлигининг Тошкентдаги ваколатхонасини очиш билан боғлиқ масалаларга эътибор қаратилди.

Шу йилнинг 13 март куни Варшава–Тошкент–Варшава йўналиши бўйича йўлга қўйиладиган биринчи тўғридан-тўғри ҳаво қатновининг муҳим аҳамиятини таъкидланган,