Туркия парламенти сайловларида Эрдўғон партияси ғалаба қозонди
Ўзбекистон
15.05.2023
1 020
Туркияда кеча бўлиб ўтган президентлик ва парламент сайловларида Эрдўғоннинг "Адолат ва тараққиёт" партияси етакчилигидаги Республикачилар алянси 99,55 фоиз овоз саналгандан кейин 49,3 фоиздан кўпроқ овоз тўплади, яъни парламентдаги 600 ўриндан 322 ўринни эгаллаши мумкин. Қиличдорўғли бошчилигидаги Республика Халқ партияси 35,19 фоиз ёки қарийб 212 ўринни қўлга киритди, деб хабар берди Туркия Марказий сайлов комиссияси. Республикачилар иттифоқига аъзо бўлган "Миллий Ҳаракат" партияси ва "Фаровонлик" партияси мос равишда 51 ва 5 ўринга эга. Алянснинг тўртинчи сиёсий кучи – “Буюк йўл” партияси 1 фоиз овоз олди ва қабул қилинган овозларни тақсимлаш тизимига кўра, депутатлик мандатларини олмайди. 14 май куни Туркияда президентлик ва парламент сайловлари бўлиб ўтди. Бюллетенларнинг 98 фоизи қайта ишлангач, амалдаги президент Ражаб Тоййиб Эрдўғон 49,35 фоиз, унинг асосий рақиби Камол Қиличдорўғли 45 фоиз овоз олди. Эрдўған Туркиядаги президентлик сайловларининг иккинчи босқичига тайёр эканини айтди. Шунингдек, Камол Қиличдoрўғли ҳам тарафдорлари олдида нутқ сўзлаб, Туркияда президентлик сайловларининг иккинчи босқичи ўтказилишини ва мухолифат “албатта ғалаба қозонишини” айтган.
Улашиш:
Бошқалар
Фуқаролар қанча миқдорда нақд пулларни чет элга олиб чиқиш мумкин?
Белгиланган суммадан ортиқ миқдордаги нақд валюта маблағларининг Ўзбекистон Республикаси ҳудудидан ташқарига олиб чиқилишига йўл қўйилмайди.
ФҲДЁ органларининг ҳуқуқ ва мажбуриятлари нималардан иборат?
ФҲДЁ органларининг фаолияти юзасидан белгиланган тартибда Адлия вазирлиги ва ҳудудий адлия органларига ҳисобот бериши шарт.
Давлат органлари ва ташкилотлари функцияларининг мазмун-моҳиятига бағишланган янги услубий қўлланма
Қўлланмада давлат органлари ва ташкилотларининг вазифа ва функциялари ўзаро боғлиқ тушунчалар экани тушунтирилади.
Қандай ҳолатлар меҳнат ва машғулотлар соҳасида камситишни тақиқлаш тўғрисидаги талабларни бузадиган шартлар ҳисобланади?
Амалиётда дастлабки синов муддати билан ишга қабул қилинган ходимларга бир хил ишни бажарадиган ҳамкасбларига нисбатан меҳнатига тўланадиган ҳақининг камайтирилган миқдорини ўрнатиладиган ҳолатлар учраб туради.
Мавзуга доир янгиликлар:
Эрдоған ё Қиличдорўғли: ким 50 фоиз овоз олади? Туркиядаги сайловларда иккинчи тур бўлиши тахмин қилинмоқда
Келаётган якшанба – 14 май куни Туркияда президентлик ва Буюк Миллат Мажлисининг (парламент) 600 нафар депутати сайлови бўлиб ўтади. Социологларнинг прогнозларига кўра, президентлик сайловларида иккинчи тур ўтказилиши мумкин. Бугун ушбу жараён энг қизиқ, натижасини тахмин қилиш мушкул сайлов кампанияси сифатида дунё эътиборида турибди.
Мирзиёев Эрдўғоннинг инаугурация маросимида иштирок этади
"Эрдўған янги конституция қабул қилмоқчи" – эксперт сайловдан кейинги Туркия истиқболи ҳақида
Президентлик пойгасидан чиқиб кетган Синан Оған сайловнинг иккинчи босқичида Эрдўғонга овоз беришга чақирди
Туркиядаги президент сайловининг биринчи даврасида учинчи ўринни эгаллаган Синан Оған сайловнинг иккинчи даврасида Ражаб Тоййиб Эрдоғанни қўллаб-қувватлашини маълум қилди. Бу Камол Қиличдорўғли учун нохуш хабар бўлди.