Учта ҳудудда дорифуруш жиноий гуруҳ аъзолари қўлга олинди
Ўзбекистон
22.12.2023
748
Тошкент вилояти ИИББ томонидан кучли таъсир қилувчи ва психотроп дори воситалари савдоси билан шуғулланувчи жиноий гуруҳ фаолиятига чек қўйилди.
Хусусан, Оққўрғон тумани ҳудудида ўтказилган тезкор тадбирда, Тошкент шаҳрида яшовчи 58 ёшли аёл (Л.Г.) гумонланиб, текширилганда унинг ёнидан 57 дона “зардекс” ва “тропикомид” кучли таъсир қилувчи дори воситалари борлиги аниқланиб, ҳужжатлаштирилиб олинган.
Ушланган шахс билан ўтказилган тезкор суриштирув ишлари натижасида, у дориларни Фарида (барча исмлар ўзгартирилган) исмли танишидан олганлиги аниқланиб, тезкор тадбир давом эттирилди.
Учтепа туманида давом этган тадбирда, “Фарида” яни 1991 й.т. (Ф.А)нинг хонадони кўздан кечирилган. Унинг уйидан 2 минг донага яқин “зардекс” “лирика” ва “тропикомид” кучли таъсир қилувчи дори воситалари далилий ашё сифатида олинди.
Бундан ташқари, ушбу хонадонда бўлган 1993 й.т. шахс (Н.У.) ҳам аёлга ёрдамчи эканлиги, у дориларни сотиш учун мижозлар топиш ва тарқатилиш билан шуғулланиши аниқланди.
Ушланганлар билан ўтказилган тезкор суриштирув ишлари натижасида, улар дори воситаларини “Қобилжон” исмли танишидан сотиб олганлиги аниқланиб, тезкор тадбир давом эттирилган.
Шайхонтоҳур туманида давом этган тадбирда “Қобилжон” яъни 1994 й.т. (Қ.Ғ.) 8 гр “мефедрон” синтетик гиёҳвандлик воситасини 300 АҚШ доллари ва 4 млн 200 сўмга назоратдаги харидорга сотаётган вақтида вилоят ички ишлар бош бошқармаси тезкор ходимлари томонидан ушланган.
Унинг яшаш хонадони кўздан кечирилганида ювиниш хонасида 46 гр “мефедрон” синтетик гиёҳвандлик воситаси ўтказиш мақсадида сақланаётгани аниқланиб, далилий ашё сифатида олинди. Ушбу шахс синтетик гиёҳвандлик воситаларини “закладка” тарзида тарқатиш билан шуғулланиши аниқланган.
Тўрт кун давомида ўтказилган тезкор-қидирув тадбирлар натижасида, кучли таъсир қилувчи дори воситаларининг савдоси билан шуғулланувчи 6 нафар шахсдан иборат жиноий гуруҳ қўлга олиниб, ноқонуний муомаладан нархи 178 миллион сўмга тенг жами 2 000 донадан ортиқ кучли таъсир қилувчи, психотроп дорилар ҳамда синтетик гиёҳвандлик воситалари муомаладан олинган.
Улашиш:
Бошқалар
Фуқаролар қанча миқдорда нақд пулларни чет элга олиб чиқиш мумкин?
Белгиланган суммадан ортиқ миқдордаги нақд валюта маблағларининг Ўзбекистон Республикаси ҳудудидан ташқарига олиб чиқилишига йўл қўйилмайди.
ФҲДЁ органларининг ҳуқуқ ва мажбуриятлари нималардан иборат?
ФҲДЁ органларининг фаолияти юзасидан белгиланган тартибда Адлия вазирлиги ва ҳудудий адлия органларига ҳисобот бериши шарт.
Давлат органлари ва ташкилотлари функцияларининг мазмун-моҳиятига бағишланган янги услубий қўлланма
Қўлланмада давлат органлари ва ташкилотларининг вазифа ва функциялари ўзаро боғлиқ тушунчалар экани тушунтирилади.
Қандай ҳолатлар меҳнат ва машғулотлар соҳасида камситишни тақиқлаш тўғрисидаги талабларни бузадиган шартлар ҳисобланади?
Амалиётда дастлабки синов муддати билан ишга қабул қилинган ходимларга бир хил ишни бажарадиган ҳамкасбларига нисбатан меҳнатига тўланадиган ҳақининг камайтирилган миқдорини ўрнатиладиган ҳолатлар учраб туради.
Мавзуга доир янгиликлар:
Тошкентда товламачиликда гумонланаётган 2 нафар жиноий гуруҳ аъзоси қўлга олинди. Товламачилик учун қандай жавобгарлик бор?
Гуруҳнинг бири аъзоси қидирувда.
Жиззахда 3 нафар шахс чол ва кампирнинг уйига босқинчилик уюштирди
Ушбу босқин оқибатида оила бошлиғи бўлган отахон шифохонада вафот этди.
Бухорода қишлоқдошларини йиғиб, қиморхона ташкил қилган шахс ушланди
Ҳолат юзасидан жиноят иши қўзғатилган.
Тошкент вилоятида 13 ёшли қизни зўрлаган ИИБ ходими қамалди
Ўн тўрт ёшга тўлмаган шахснинг номусига тегиш учун шарт–шароит яратиб берган 3 кишига нисбатан жиноят иши қўзғатиш учун Бўстонлиқ тумани прокурорига Бўстонлиқ тумани прокурорига хабар юборилган.