Ўзбекистонга лифтларни олиб кириш ва улардан фойдаланиш бўйича янги талабларни ўз ичига олган ҳукумат қарори лойиҳаси ишлаб чиқилди. Лойиҳага кўра, 1 декабрдан бошлаб импорт қилинадиган лифтлар, эскалаторлар, траволатор, саноат ҳавосини совутиш тизимлари ва саноат иситиш қозонларини “эркин муомалага чиқариш” божхона режимига мувофиқлик сертификатисиз олиб кириш тақиқланади. Қарор лойиҳасида таклиф этилаётган тартибга кўра, кўп квартирали уйлар, лифт ўрнатилиши назарда тутиладиган барча объектлардаги лифтларни фойдаланишга қабул қилишдан олдин уларни мажбурий тартибда диспетчерлик хизматига улаш талаб этилади.