6 102 АҚШ доллари ва тилла тақинчоқларни ўғирлаган энага қўлга тушди
Ўзбекистон
22.06.2023
1 243
Тошкент шаҳри Чилонзор туманидаги уйларнинг бирида энагалик қиладиган аёл хонадон эгасининг 6 102 АҚШ долларини, 3600 АҚШ долларлик билакузук ва тилла узугини ўғирлади. Бу ҳақда ИИВ ҳузуридаги Тергов департаменти хабар бермоқда. Воқеа 17 июнь куни соат 09:00 ларда содир бўлган. Маълум қилинишича, энага (36 ёшли Р.З. (аёл) уйда ҳеч ким бўлмаганидан фойдаланиб, хонадон эгасининг ётоқхонасида жойлашган жавон ичидаги пулларини ва тилла тақинчоқларини ўғирлаган. Тергов жараёнида ундан ашёвий далил тариқасида жабрланувчига тегишли бўлган тақинчоқлари, 2500 АҚШ доллари расмийлаштириб олинган. Бундан ташқари, аёл ўғирланган пул маблағларини бир қисмини, яъни 22,7 млн пулларни миллий валютага айлантириб, ўзининг банк пластик картасига тушириб олгани аниқланган. Ҳозирда Р.З.га нисбатан Жиноят кодексининг 169-моддаси 3-қисми «в» банди (ўғирлик) билан жиноят иши қўзғатилган. Энага қамоққа олинган. Тергов ҳаракатлари олиб борилмоқда.
Улашиш:
Бошқалар
Кўчмас мулк ва транспорт воситалари олди-сотдисида янги босқич: электрон тўлов тизимига ўтиш
Тарафлар ўзаро келишувга эришгач, харидор ёки унинг вакили банкка мурожаат қилиб, тегишли маълумотлар акс эттирилган ариза тақдим этади.
Қандай ҳолатлар никоҳ тузишга монелик қиладиган ҳолатлар сифатида баҳоланади?
Никоҳ — бу икки шахснинг ихтиёрий ва тенг ҳуқуқли иттифоқи бўлиб, у нафақат маънавий, балки жиддий юридик оқибатларни келтириб чиқарадиган шартнома ҳисобланади.
Уй-жой сотиб олиш учун субсидиялар ажратиш тартибини биласизми?
Уй-жой субсидияси – бу даромади юқори бўлмаган шахсларга уй-жой шароитларини яхшилаш мақсадида давлат бюджетидан қайтариб берилмаслик шарти билан ажратиладиган маблағдир.
Кўп қаватли уйларда яшашнинг айрим қоидалари
Қўшнилар подездларда ёки зинапояларда ўзларининг шахсий буюмларини (шкаф, эски мебел, қурилиш чиқиндилари) сақлашга ҳақли эмаслар. Бу ёнғин хавфсизлиги қоидаларига зид.
Мавзуга доир янгиликлар:
Уй ишчиларининг қандай меҳнат ҳуқуқлари бор? 6 саволга жавоб
Уй ишчилари кимлар? Энага, боғбон, ошпаз каби ёлланиб ишлайдиганлар билан ҳам меҳнат шартномаси тузиш керакми? Уларнинг иш режими қандай бўлади? Уй ишчиларига меҳнат стажи ҳисобланадими? Hudud24.uz бугун шу каби саволларга жавоб беради.
Боғбон, энага, ошпаз, қоровул — уй ёрдамчиларини ёллаш тартиби қандай?
Уй ишчиларини ишга қабул қилиш буйруқ эълон қилинмасдан амалга оширилади. Уларга меҳнат дафтарчалари юритилмайди. Ёлланиб ишлаш бўйича иш даврларида ижтимоий солиқ тўланса, ходимнинг меҳнат стажига қўшилади.