Ер усти ҳалқа метро линиясининг «Турон» ва «Қипчоқ» бекатларидаги синов жараёнлари якунлангач, жорий йилнинг 15 мартидан кейин фойдаланишга топширилади.

Транспорт вазирининг 2023 йил 14 декабрдаги 207-сонли “Тошкент шаҳри ер усти ҳалқа метро линиясининг “Қурувчилар – Қипчоқ” участкасида поездлар қатновини синов тариқасида бошлаш тўғрисида”ги буйруғига асосан 2023 йилнинг 15 декабрь кунидан ушбу участкада поездлар қатнови синов тариқасида бошланди.

“Бугунги кунда ер усти метро линияларини қуриш, фойдаланишга топшириш, топшириш олди синов жараёнларини ўтказиш ўрганилган хориж тажрибаси натижаларидан келиб чиқиб, шунингдек, синов жараёнларини ўтказиш бўйича тасдиқланган меъёрий техник талаблар асосида амалга оширилмоқда” , дейилади хабарда.

Мазкур синов жараёнлари жорий йилнинг 15 март кунига қадар ўтказилиши (давом эттирилиши) режалаштирилган. Синов жараёнлари якунлангач, ер усти метро линиясининг «Турон» ва «Қипчоқ» бекатларини ўз ичига олган участкаси фойдаланишга топширилиши режалаштирилган.