Президент Шавкат Мирзиёев 22 май куни мактабгача таълим ва мактаб таълими тизимини ривожлантириш бўйича таклифлар тақдимоти билан танишди. Унда мактаб ва боғчалардаги таълим, тарбия, директорларни тайинлаш, ўқитувчи ва боғча тарбиячиларининг маоши билан боғлиқ бир қанча таклифлар муҳокама қилинди. Қуйидаги таклифлар маъқулланди:

• юқори синфларда ўқитиладиган фанлар 16 тадан 11 тага камайтирилади: 11 та мажбурий ва 2 та танлов фани татбиқ этилади;
• янги ўқув йилидан информатика фани 1-синфдан ўргатилади;
• фанларнинг амалий машғулотлар улуши 40 фоиздан 60 фоизгача оширилади;
•  ишга кираётган педагог 1 йил давомида ўқитувчи-стажёр сифатида фаолият юритиб, шу муддатда сертификат олади;
• малака сертификати олган педагогларнинг ойлик маошига 70 фоизгача устама тўланиши мумкин;
• 2024 йил 1 июндан олий маълумотли боғча тарбиячиларининг иш ҳақи ставкалари мактаб ўқитувчилариникига тенглаштирилади;
• мактаб директорлари лавозимга “Директорлар кенгаши” тавсияси билан очиқ танлов асосида тайинланади;
• туман (шаҳар) ММТ бўлимларининг мактаблар фаолиятини текшириш ва таълим сифатини баҳолаш ваколатлари тугатилади.