Андижон вилоят адлия бошқармаси томонидан ҳуқуқ эгасининг мурожаати асосида Қирғизистон Республикаси ижодкорлари томонидан суратга олинган “Жаннат оналар оёғи остида” фильми ҳуқуқ эгасининг рухсатисиз ҳамда тегишли тартибда шартнома тузмасдан намойиш этилганлиги маълум бўлди.

Ҳолат юзасидан ҳуқуқбузарга нисбатан Маъмурий жавобгарлик тўғрисидаги кодекснинг 177(1)-моддаси билан маъмурий ҳуқуқбузарлик тўғрисидаги баённома расмийлаштирилиб, Жиноят ишлари бўйича Андижон шаҳар судига юборилди.

Суд қарорига кўра, ҳуқуқбузарга нисбатан жарима жазоси тайинланди.

Шуни унутмангки, қонунга мувофиқ муаллифлик ва турдош ҳуқуқ объектларидан рухсатсиз, ноқонуний равишда фойдаланиш жавобгарликка сабаб бўлиши тўғрисида огоҳлантирамиз.

Ҳурматли фуқаролар, агарда сизнинг муаллифлик ёки турдош ҳуқуқларингиз бузилаётган бўлса, ҳуқуқларингизни ҳимоя қилиш мақсадида тегишли тартибда судга ёки Адлия вазирлигининг қисқа рақамли 1008 ишонч телефонларига мурожаат қилишингиз мумкин.