Зоминда янги аэропорт ишга тушди. Бу ҳақда Жиззах вилоят ҳокимлиги маълум қилди. [caption id="attachment_19323" align="aligncenter" width="1024"] ФОТО: UzA[/caption] Қайд этилишича, “Трес 001” қурилиш ташкилоти томонидан бунёд этилган Зомин аэропорти 30 ўринга мўлжалланган йўловчи терминалига эга бўлиб, қуриш учун 60 гектар ер майдони ажратилган. Обьектда жами 200 дан зиёд ходимлар ва 110 та техникалар билан ишлар олиб бориляпти. Шунингдек, ҳозирда аэропорт инфратузилмаси, мухандислик коммуникацияси, учиш-қўниш, харакатланиш йўлаклари ва перронни лойиҳалаш ҳамда қурилиш, учиш ва қўнишни таъминлаш бўйича радио ва аеронавигация ускуналарини харид қилиш, ўрнатиш ва эксплуатация қилиш ишлари белгиланган режа асосида олиб борилмоқда. [caption id="attachment_19327" align="alignnone" width="1024"] ФОТО: UzA[/caption] Қайд этиш мумкин, 2022 йилнинг октябр ойидан бошлаб Зоминнинг Даштобод шаҳарчаси темир йўл бекатига “Афросиёб” тезюрар поезди тўхташи ташкил этилган эди. Маълум қилинишича, Зоминда “Зомин” туристик-рекреацион зонасининг бош режасига мувофиқ ҳудудда дастлабки қиймати 2 триллион 800 миллиард сўмлик бўлган 225 ўринли анжуманлар саройи, оилавий кўнгил очар маркази, 4 та тўрт юлдузли, 7 та уч юлдузли меҳмонхоналар, 6 та апартамент уйлари, 7 та ресторан ва кафелар, 8 километрли тоғ чанғи учиш трассаси, 13 та аттракционлар қурилиши режалаштирилган.