Адлия вазири Грузия ва БМТ Тараққиёт Дастури вакиллари билан давлат хизматлари кўрсатиш соҳасини такомиллаштириш юзасидан учрашди
Ўзбекистон
27.07.2021
991
Адлия вазири Русланбек Давлетов Грузия Республикасидан ташриф буюрган давлат хизматлари кўрсатишда қонунчилик масалалари бўйича халқаро эксперт Гиорги Цхакая ҳамда Бирлашган Миллатлар Ташкилоти Тараққиёт Дастури вакиллари билан учрашди. Халқаро эксперт Адлия вазирлиги ҳузуридаги Давлат хизматлари агентлиги, Бирлашган Миллатлар Ташкилоти Тараққиёт Дастури ва Европа Иттифоқининг “Ўзбекистоннинг қишлоқ ҳудудларида давлат хизматлари тақдим этишни такомиллаштириш ва бошқарув даражасини ошириш” қўшма лойиҳасининг 2021 йил учун тасдиқланган иш режасига асосан жалб этилган. Халқаро эксперт томонидан Ўзбекистон Республикасида давлат хизматларини кўрсатиш соҳасига оид қонунчиликни ўрганиш ва халқаро тажриба асосида қонунчиликни такомиллаштириш юзасидан таклифлар ишлаб чиқилиши кўзда тутилган. Шунингдек, халқаро эксперт қўшма лойиҳа доирасида ишлаб чиқилаётган Ўзбекистон Республикаси Давлат хизматларини кўрсатиш тизимини ривожлантиришнинг беш йиллик стратегияси, Давлат хизматларини кўрсатишда стандартлар ва тизимни янада такомиллаштиришга қаратилган тавсияларни ишлаб чиқади. Учрашув давомида давлат хизматларини кўрсатиш соҳасида мавжуд муаммолар, уларнинг ечимлари ҳамда соҳани таҳлил қилиш ва келгусида такомиллаштириш бўйича таклифлар ишлаб чиқишда эътибор қаратилиши зарур бўлган жиҳатлар хусусида фикр алмашилди. Адлия вазирлиги Жамоатчилик билан алоқалар бўлими
Улашиш:
Бошқалар
Маъмурий жазони қўллаш, энг енгил жазони қўллаш асослари: муҳим 6 саволга жавоб
Маъмурий жазони қўллашда содир этилган ҳуқуқбузарлик хусусияти, ҳуқуқбузарнинг шахси, унинг айбдорлик даражаси, мулкий аҳволи, жавобгарликни енгиллаштирувчи ва оғирлаштирувчи ҳолатлар ҳисобга олинади.
“Инсон ва қонун” – барчаси бир нашрда!
Агар шуларнинг ҳаммаси бир нашрда мужассам десак ишонасизми?
Товарнинг сотувчи жавобгар бўладиган камчиликлари...
Сотиб олувчи товарнинг камчиликлари билан боғлиқ талабларни қўйишга ҳақли.
Фуқаролар энг кўп қиладиган 7 та ҳуқуқий хато
Муҳим келишувларни ёзма шаклда расмийлаштиринг.
Мавзуга доир янгиликлар:
Қамоқхонада никоҳдан ўтиш мумкинми?
Қамоқхоналарда ҳам никоҳни расмийлаштириш мумкин. Бунинг ўз тартиби бор. Қамоқхона жойлашган ҳудуддаги ФҲДЁ органи маҳкумлар билан тузиладиган никоҳни қайд этади.
Қандай ҳолларда ходимнинг розилигисиз ойлигидан ушлаб қолиниши мумкин?
Қонунчиликка кўра, ходимнинг ёзма розилиги билан, бундай розилик бўлмаган тақдирда эса, суднинг қарорига асосан меҳнат ҳақидан ушлаб қолиниши мумкин.
Қисқаришга тушиб ишдан бўшаган ходим янги ишга жойлашганда қачон меҳнат таътили олиши мумкин?
Йиллик асосий таътил биринчи иш йили учун 6 ой ишлангандан кейин берилади. Лекин айрим ходимларга таътил 6 ой ўтмасдан олдин берилади.
Қамоққа олинган шахс қачон ишдан бўшатилиши мумкин?