Японияда Хиросимадаги атом бомбаси қурбонларини хотирлаш тадбирлари ўтказилмоқда. БМТ Бош котиби Антониу Гутерриш шу муносабат билан мурожаат йўллади. "Барча давлатлар ядро қуролидан бутунлай воз кечиши керак", дея таъкидлади у ўз мурожаатида. Гутерришнинг фикрича, "ядро урушининг сояси" дунёда, жумладан, давлатлар ўртасида ўсиб бораётган ишончсизлик ва тарқоқлик туфайлидир. “Ядро урушининг ноғоралари яна ура бошлади. Ишончсизлик ва тарқоқлик кучаймоқда. Совуқ уруш даврида бутун дунёда ядро сояси яна пайдо бўлди”, — деди у. Гутерришнинг мурожаатини унинг ўринбосари Изуми Накамитсу ўқиб эшиттирди. Бош котиб ядровий қуролсизланиш БМТнинг асосий мақсади эканини эслатиб, барча мамлакатларни ядро қуролидан бутунлай воз кечишга чақирди. "Ядро уруши хавфини бартараф этишнинг ягона йўли ядровий қуролни бутунлай йўқ қилишдир", деди Гутерриш. Аввалроқ Украина Миллий хавфсизлик ва мудофаа кенгаши котиби таҳдидлар орқали НАТОдан ядро қуролини олишга умид қилаётганини айтганди. Шунингдек, австралиялик эксперт Дэвис Польшани Украина манфаати учун ядровий можарони бошлашга чақиргани хабар қилинган. Олимлар ядро уруши ва унинг оқибатларини қуйидагича визуализация қилишган: шаҳарларда асфальт ўрнига суюқ лава оқади, ядро қиши ва умумий очарчилик бўлади. 1945 йил 6 августда АҚШ Япониянинг Хиросима шаҳрига 13000 тонна тротил  эквиваленти бўлган “Кид” атом бомбасини ташлади. Портлаш шаҳарнинг 70 фоиздан ортиғини вайрон қилган.