Исроил–Ғазо урушида БМТнинг 88 нафар ходими ҳалок бўлди
Ўзбекистон
06.11.2023
1 208
Ғазо секторидаги уруш оқибатида Бирлашган Миллатлар Ташкилотининг Фаластинлик қочқинларга ёрдам кўрсатиш агентлигининг (UNRWA) 88 нафар ходими ҳалок бўлди. “7 октябрдан бери инсонпарварлик ёрдамини кўрсатувчи ходимлар, жумладан UNRWAнинг 88 нафар ходими ҳалок бўлди. Бу Бирлашган Миллатлар Ташкилотининг битта можарода кўрган энг катта йўқотишидир. Биз яна бир бор томонларни халқаро гуманитар ҳуқуқ ва инсон ҳуқуқлари бўйича ўз мажбуриятларини ҳурмат қилишга чақирамиз”, — дейилади БМТ Бош котибининг гуманитар масалалар бўйича ўринбосари, Жаҳон соғлиқни сақлаш бошқармаси раҳбари ва бошқалар томонидан имзоланган баёнотда. Ҳужжатда, шунингдек, Ғазо секторини етарли миқдорда сув, озиқ-овқат, дори-дармон ва ёқилғи билан таъминлаш зарурлиги таъкидланган. Гуманитар ёрдам кўрсатиш маъсуллари барча гаровга олинганларни зудлик билан озод қилишни ва фуқаролик инфратузилмасини, жумладан, касалхоналар, бошпана ва мактабларни ҳимоя қилишни талаб қилди. “Етар. Зудлик билан ўт очиш тугаши керак”, – дейилади баёнотда. Исроил маълумотларига кўра, 7 октябрдан бери давом этаётган урушда 1,4 минг киши қурбон бўлган, 5,4 минг киши жароҳатланган. Ғазо сектори Соғлиқни сақлаш вазирлиги маълумотларига кўра, 9,5 минг киши ҳалок бўлган, 24,2 минг киши жароҳатланган.
Улашиш:
Бошқалар
Кўчмас мулк ва транспорт воситалари олди-сотдисида янги босқич: электрон тўлов тизимига ўтиш
Тарафлар ўзаро келишувга эришгач, харидор ёки унинг вакили банкка мурожаат қилиб, тегишли маълумотлар акс эттирилган ариза тақдим этади.
Қандай ҳолатлар никоҳ тузишга монелик қиладиган ҳолатлар сифатида баҳоланади?
Никоҳ — бу икки шахснинг ихтиёрий ва тенг ҳуқуқли иттифоқи бўлиб, у нафақат маънавий, балки жиддий юридик оқибатларни келтириб чиқарадиган шартнома ҳисобланади.
Кўп қаватли уйларда яшашнинг айрим қоидалари
Қўшнилар подездларда ёки зинапояларда ўзларининг шахсий буюмларини (шкаф, эски мебел, қурилиш чиқиндилари) сақлашга ҳақли эмаслар. Бу ёнғин хавфсизлиги қоидаларига зид.
Меҳнат дафтарчасининг ҳуқуқий аҳамияти қандай?
Меҳнат дафтарчаси — бу ходимнинг меҳнат фаолияти ва иш стажини тасдиқловчи асосий восита.
Мавзуга доир янгиликлар:
Ғазо секторида ҳалок бўлганлар сони 22 мингдан ошди
Қурбонларнинг қарийб 70 фоизи аёллар ва болалардир.
Ғазо секторида 1,5 миллион нафарга яқин аҳоли уйсиз қолган – БМТ
Исроил ва Фаластин ўртасидаги зиддият туфайли миллионлаб одам ўз уйларини ташлаб кетишга мажбур бўлган.
Ўзбекистоннинг Исроилдаги элчихонаси ўзбекистонликларни турли акцияларга чиқмасликка чақирди
Элчихона турли ёлғон ташвиқотларга берилмаслик, қонунга зид хатти-ҳаракатлар содир этмаслик бўйича огоҳлантириш берди.
“Дунёда заррача адолат бўлаги қолган бўлса, кимдир бунга “тўхта” десин”: турк журналисти янгиликлар дастурини чуқур қайғу билан бошлади
"Кимлардан эканлиги, ирқи, дини, тили, ҳеч нарсанинг аҳамияти йўқ, дунёнинг кўз ўнгида ўн икки кундан бери болалар қатл қилинмоқда ва бутун олам буни томоша қилиб турибди", деди у.