AҚШнинг Колорадо штати Вакиллар палатаси аъзоси Лорен Боберт президент Жо Байденнинг мамлакат чегараларини қўриқлаш вазифаларини бажара олмагани учун унга импичмент эълон қилишни кўриб чиқишни сўради. “Жо Байден жанубий чегарамизни ҳимоя қилиш бўйича ўзининг конституциявий бурчини тўлиқ бажара олмади”, деди сиёсатчи. Шу сабабли, Боберт сиёсатчини давлат раҳбари лавозимидан четлаштириш тўғрисида тегишли фикр билдирди. Май ойида AҚШ Конгресси Вакиллар палатаси аъзоси, Республикачилар партияси аъзоси, депутат Маржори Тейлор Грин AҚШнинг амалдаги президентига импичмент эълон қилиш тўғрисидаги қонун лойиҳаси кўриб чиқишга киритилишини айтган эди. Унинг сўзларига кўра, 2021 йил январидан бери Байден "бу мамлакатни мунтазам равишда йўқ қилишга ҳаракат қилмоқда". Шунингдек, сиёсатчи Байденни мамлакатни ҳимоя қилишга мутлақо қодир эмасликда айблади. Унинг фикрича, Байден конституциявий чегара ҳимоясини сақлаш мажбуриятини бузмоқда. Грин уни AҚШ миллий хавфсизлигига бевосита таҳдид деб атади.