Қонунчиликка кўра, болаларни тарбиялаш ва уларга таълим бериш бўйича ота-оналар ёки уларнинг ўрнини босувчи шахслар ўз мажбуриятларни лозим даражада бажармаслиги жавобгарликка сабаб бўлади.

Бундай ҳолатлар учун Маъмурий жавобгарлик тўғрисидаги кодексда қуйидаги жавобгарлик турлари белгиланган:

Ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши — БҲМнинг 1 бараваридан 5 бараваригача (375 000 сўмдан – 1 875 000 сўмгача) миқдорда жарима солишга сабаб бўлади.

Худди шундай ҳуқуқбузарликлар маъмурий жазо чораси қўлланилганидан кейин бир йил давомида такроран содир этилган бўлса — БҲМнинг беш бараваридан ўн бараваригача (1 875 000 сўмдан – 3 750 000 сўмгача) миқдорда жарима солишга сабаб бўлади.

Ота-оналар ёки уларнинг ўрнини босувчи шахслар томонидан ўз боласини қонунга хилоф равишда диний таълим олишга жалб этиши — БҲМнинг 5 бараваридан 10 бараваригача (1 875 000 сўмдан – 3 750 000 сўмгача) миқдорда жарима солишга сабаб бўлади.

Худди шундай ҳуқуқбузарликлар маъмурий жазо чораси қўлланилганидан кейин 1 йил давомида такроран содир этилган бўлса — БҲМнинг 10 бараваридан 15 бараваригача (ҳозирги кунда 3 750 000 сўмдан – 5 625 000 сўмгача) миқдорда жарима солишга ёки 15 суткагача муддатга маъмурий қамоққа олишга сабаб бўлади.

Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш — БҲМнинг 10 бараваридан 15 бараваригача (3 750 000 сўмдан – 5 625 000 сўмгача) миқдорда жарима солишга сабаб бўлади.

Худди шундай ҳуқуқбузарликлар маъмурий жазо чораси қўлланилганидан кейин бир йил давомида такроран содир этилган бўлса — БҲМнинг 15 бараваридан 25 бараваригача (5 625 000 сўмдан – 9 375 000 сўмгача) миқдорда жарима солишга ёки 15 суткагача муддатга маъмурий қамоққа олишга сабаб бўлади.