Life Style
12.09.2024
147
Одатда гўдак 1 ёшгача йилига ўртача 25 см.дан, икки ёшгача эса 10-12 см.дан ўсиб боради. 2 ёшдан кейин ва жинсий етилиш давригача йилига бу кўрсаткич 4 см.ни ташкил этади.
Беш ёшгача бўй узунлигига қалқонсимон без жавоб берса, балоғат даври бошланиши билан бу назорат жинсий гормонларга ўтади.
Кўпчилик ота-оналар ўғил фарзандининг бўйи қизларга қараганда секин ўсаётганидан ташвишга тушади. Бироқ бундан хавотирланмаслик керак. Боиси ўғил болаларда бу ҳолат қизларга нисбатан 2-3 йил кеч кузатилади. Маълум вақтдан сўнг ўғил боланинг бўйи ўсиб кетади.
Агар болага бўй ўсмаслик ташхиси қўйилса, гормон терапия муолажаси қўлланилиши мумкин. Бироқ ушбу препаратларни ўз вақтида ва белгиланган тартибда қабул қилиш шарт. Сабаби билиб-билмай бўй ўстирувчи гормонлардан фойдаланиш организмда жиддий ножўя таъсирларни келтириб чиқариши мумкин. Шу боис мазкур муолажа фақат мутахассис маслаҳати билан амалга оширилиши зарур.
Шунингдек, болаларнинг бўйи нормал ўсиши учун уларнинг тўғри овқатланишига алоҳида эътибор бериш тавсия этилади. Хусусан, кальций, Д ва цинк каби витамин ва минераллар уларнинг бўйи ўсишига ёрдам беради. Ушбу моддалар сут маҳсулотлари, тухум, гўшт, ёғли балиқлар, хўл мевалар, кўкатлар ҳамда дуккакли сабзавотлар орқали қабул қилинади.
Болани бўйи меъёрида бўлиши учун ота-оналар спорт машқларига ҳам эътибор қаратиши, жумладан, ўғил-қизларини сакраш, турникда осилиш, волейбол ва баскетбол каби спорт турларига жалб қилиши мақсадга мувофиқ. Бола қанчалик жисмоний фаол бўлса, унда шунча очлик ҳисси пайдо бўлади. Бу эса ўсиш гормони кўпроқ ишлаб чиқарилишини таъминлайди.
Шу билан бирга, уйқунинг етарли даражада бўлиши ҳам муҳим. Яъни болалар ҳар куни камида 8-10 соат ухлаши керак. Чунки ўсиш гормонлари асосан уйқу пайтида ишлаб чиқилади.
Бундан ташқари, ота-оналар оилада фарзандлари учун ёқимли муҳит яратиб бериши керак. Сабаби болаларда стресс даражасининг кўтарилиши уларнинг бўйи ўсишига салбий таъсир қилиши мумкин.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Хусусий мулк ва мулкдорлар ҳуқуқларининг ҳимоя қилиниши кучайтирилади
Унга кўра, уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни белгиланган тартибда қопланишини назарда тутувчи ўзгартириш ва қўшимчалар киритилмоқда.