Британия ҳукумати Гулнора Каримованинг жами 20 млн фунтлик 3 та мулкини мусодара қилди
Ўзбекистон
09.08.2023
554
Йирик миқдордаги фирибгарлик билан курашиш бўйича бюро (Serious Fraud Office, SFO) Буюк Британияда Гулнора Каримовага тегишли учта мулкни мусодара қилди. Бу ҳақда назорат маҳкамаси баёнотида маълум қилинган. Мусодара қилинган мулк Лондоннинг нуфузли Белгравиа туманидаги иккита квартира ва Суррейдаги уй бўлган. Уларнинг нархи 20 миллион фунт стерлингдан ошади. SFO баёнотига кўра, Гулнора Каримова ушбу мулкни Ўзбекистондаги коррупцион фаолиятдан тушган маблағ эвазига сотиб олган. SFO 2018 йил октябрь ойида Каримованинг Британиядаги активларини, жумладан, учта мулкини мусодара қилиш бўйича судга мурожаат қилган. Агентлик хабарига кўра, 8 август куни Буюк Британия Олий суди бу даъвони қаноатлантирган. Қайд этилишича, Гулнора Каримова 2019 йил баҳоридан бери Тошкент вилоятидаги 21-сонли колонияда жазо муддатини ўтамоқда. 2020 йил март ойида Олий суд у жиноий гуруҳ ташкил этиш, фирибгарлик, давлат мулкини ўзлаштириш ва бошқа жиноятларда айбланиб, 13 йил-у 4 ойга озодликдан маҳрум этилгани ҳақида хабар берган эди. Швейцария, Франция, АҚШ ва бошқа қатор мамлакатларда Гулнора Каримовага алоқадор активларнинг умумий миқдори қарийб 1,4 миллиард долларга баҳоланмоқда.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Мавзуга доир янгиликлар:
Ўзбекистонлик шахматчилар Буюк Британияда мукофот жамғармаси $460 минглик мусобақада қатнашади
Ушбу турнирда 1 ва 2-ўринни олган спортчилар Жаҳон тожи учун даъвогарлар турнирига йўлланмани қўлга киритади.
Ажрашгандан кейин ҳам эрнинг уйига даъвогарлик қилса бўладими?
Турмуш ўртоғим билан суд орқали ажрашганмиз. Ўша пайтда чет элда бўлганим сабабли, судда ишончли вакилим орқали ажрим қилдириб, никоҳ даврида олинган мулкимизга даъво қилмаган эдим. Ажрашганимизга 4 йилдан ошди, энди турмуш ўртоғимнинг номидаги уйнинг ярмига даъво аризаси киритсам бўладими?
Фарзандларнинг розилигисиз мулкни сотиш мумкинми?
Отамнинг номида 12 сотих ер бор эди. Шу ер учун 15 йил давомида хорижда ишлаб пул юборганман. Отам “ер сеники”, деган, бироқ бу ёзма равишда расмийлаштирилмаган. Отам ўтган йил ёзда вафот этди. Онам эса ўша ерни қўшнимизга сотиб юборибди, у бўлса иморат кўтарган. Онам фарзандларининг розилигисиз отамнинг номида бўлган ерни сотиш ҳуқуқига эгами?
Суд вафот этган деб топган шахс қайтиб келса меросхўрлардан мол-мулкини қайтариб ололадими?
Меросхўр унинг мулкини сотиб юборган бўлиши ҳам мумкин. Бундай ҳолда харидор мулк эгасининг тириклигини била туриб, уни меросхўрдан сотиб олганлиги исботланса, у мулкини талаб қилиб олиши мумкин.