Когон тумани ИИБ ЖҚБ ходимлари томонидан “Қорадори-2023» тадбири ўтказилди. Тадбир давомида Бухоро тумани “Боғикалон” маҳалласида яшовчи, 1981 йилда туғилган Қ.М. исмли шахс туманнинг “Сиёзпоён” маҳалласи ҳудудида бошқа бир фуқарога соф вазни 307,28 граммга тенг бўлган, қуритилган ҳолатда, кўп миқдордаги “Марихуана” гиёҳвандлик воситасини 2 минг АҚШ доллари эвазига қонунга хилоф равишда сотаётган вақтида ашёвий далиллар билан бирга қўлга олинган. Шунингдек, мазкур фуқаронинг яшаш хонадони ва томорқа ер майдони кўздан кечирилганда 5 туп ”Каннабис” экиб, парваришлаб келаётгани маълум бўлган. Бундан ташқари, сотиш мақсадида омборхонасида 100 гр “Марихуана” сақлаётгани аниқланган. Маълум қилинишича, ҳозирда мазкур ҳолат юзасидан фуқаро Қ.М. га нисбатан Ўзбекистон Республикаси Жиноят Кодексининг 273-моддаси 5-қисми билан жиноят иши қўзғатилиб, дастлабки тергов ҳаракатлари олиб борилмоқда.