Ўзбекистон
03.07.2023
307
Францияда жазоирлик ўсмирнинг полициячи томонидан ўлдирилиши ортидан бошланган тартибсизликлар якшанбага ўтар кечаси ҳам давом этди. Aммо расмийлар ҳуқуқ-тартибот идоралари ходимларининг ҳаракатлари туфайли вазият “сокинлашганини” хабар қилмоқда. Эммануэль Макрон Франция Ички ишлар вазирлиги ва Aдлия вазирлигига мамлакатда тартиб ўрнатиш ва содир бўлган воқеа сабабларини ўрганиш бўйича топшириқ берди. Нантерда 17 ёшли Наел Мерзук полициячи томонидан отиб ўлдирилиши ортидан сешанба кунидан бери тўқнашувлар тўхтамаяпти. Якшанбага ўтар кечаси бутун Франция бўйлаб тартибни сақлаш учун 45 мингдан ортиқ полиция ва жандарм сафарбар қилинди. Ишга масъул прокурор милиционер ўқотар қурол қўллаш бўйича қонуний шартларга амал қилмаганини айтиб, уни қамоққа олишга қарор қилди. Aммо бу намойишчиларни қониқтирмади. Бу воқеа бутун Франция бўйлаб ғалаёнлар тўлқинини келтириб чиқарди. Намойишчилар келиб чиқиши ёки тери ранги туфайли ҳуқуқлари бузилишини хоҳламаслигини билдиришмоқда. Aммо француз полицияси ирқчилик айбловларини рад этмоқда. Шанба куни эрталаб полиция 1300 дан ортиқ кишини ҳибсга олиш бўйича рекорд кўрсаткични қайд этди. Ҳуқуқбузарларнинг учдан бир қисми вояга етмаганлар эди, дейди расмийлар. Намойиш оқибатида сешанба кунидан бери жами камида 79 полиция ходими жароҳатланган, 10 дан ортиқ савдо марказлари талон-тарож қилинган, юзлаб супермаркетлар, офислар ва дўконлар вайрон қилинган. Тартибсизликнинг олтинчи кечаси аввалгисига қараганда анча тинчроқ ўтди. Фақатгина 78 киши ҳибсга олинган. Бундан олдинги кун эса 700 киши қўлга олинган эди. Якшанба куни президент Вазирлар Маҳкамаси аъзолари билан тезкор штаб йиғилишини ўтказди, сешанба куни эса жабрланган ҳудудлар ҳокимлари билан учрашишини маълум қилди.
Улашиш:
Бошқалар
“Notcoin”, “Hamster Kombat”. Ўзбекистонда криптовалюта олиш ва сотиш қай даражада қонуний?
Хўш, криптовалютага оид миллий қонунчилик қандай? Криптовалюта олиш ва сотиш қай даражада қонуний? Бунинг учун қандай жавобгарлик белгиланган? Айнан қандай ҳаракатлар учун кишилар жавобгарликка тортилмоқда? Hudud24.uz сайти колумнисти Муроджон Нажмиддинов мақолада шу ҳақда сўз юритади.
Фарзандини “лагер”га юбораётган ота-оналар учун ҳуқуқий эслатмалар
Оромгоҳлар санитария нормалари, қоидалари ва гигиена нормативлари, хавфсизлик талабларига тўлиқ жавоб бериши шарт.
Академик лицейларга қабул: муҳим 7 қоида
Бугундан академик лицейларга қабул бошланди. Ўқувчилар ҳужжатларини уйдан чиқмасдан онлайн топширишлари мумкин. hudud24.uz қуйидаги мақола орқали қабул жараёни ва тест синовларига оид маълумот беради.
Гўштни кўча ҳароратида илгакларга илиб сотиш тақиқланади: гўшт, озиқ-овқат, мева-сабзавот сотиб олишга оид муҳим қоидалар
Ёз мавсуми бошланди, иссиқ ҳавода ҳар қандай маҳсулотларнинг тез бузилиши тайин. Hudud24.uz гўшт, озиқ-овқат маҳсулотларини сотиб олаётганда нималарга эътибор бериш керак, уларни сақлаш, сотишда қонунчиликда қандай талаблар белгиланганлиги ҳақида маълумот беради.
200 нафар ўзбекистонлик ўқитувчи Францияда стажировка ўтайди
Улар йил якунига қадар Франциянинг нуфузли олийгоҳларига юборилади.
Франция бош вазири ўз лавозимини тарк этди
Элизабет Борн 2022 йилнинг май ойидан бери мамлакат вазирлар маҳкамасига раҳбарлик қилиб келаётган эди.
Франция Президенти тунгги Самарқанд бўйлаб сайр қилди (фото))
Эммануэль Макрон Ўзбекистон Республикаси Президенти Шавкат Мирзиёев ҳамроҳлигида Самарқанддаги обидаларни томоша қилди.
Шавкат Мирзиёев Ўзбекистон-Франция саммитида иштирок этиш учун Самарқандга борди
Франция Республикаси Президенти Эммануэл Макрон расмий ташриф билан Ўзбекистонга келади.