Ходим бир йилда икки марта меҳнат таътилига чиқиши мумкинми?
Ҳуқуқ
13.03.2025
901
Албатта мумкин. Бу ерда календарь йилга чалғимаслигимиз керак. Таътил ходимга календарь йил давомида эмас балки иш йили давомида берилади.
Меҳнат кодексининг 225-моддасига кўра, иш йили деганда ходимнинг муайян иш берувчида ўн икки ойга тенг бўлган ва ҳақиқатда иш бошланган санадан эътиборан ҳисоблаб чиқариладиган иш даври тушунилади.
Масалан, ходим 12.03.2024 дан иш бошлади. Унинг иш йили 12.03.2024 дан 11.03.2025 гача бўлади. Ҳар йилги меҳнат таътили ходимга таътил берилаётган иш йили тугашига қадар яъни 11.03.2025 гача берилиши керак. Шу ўринда календарь йилга чалғиб кетиб, ходим 31 декабргача таътилга чиқиши керак деб хато ўйламаслик лозим. Яъни ходимни иш йили тугагунига қадар таътилга чиқариш шарт экан.
Мисолимиздаги ходим 2025 йил 10 март куни таътилга чиқди. Бунда ходим юқорида келтириб ўтилган давр оралиғи учун таътилга чиққан. Демак, ходим 2025-2026 йиллар оралиғидаги иш йили учун 2025 йилда яна таътил олиши мумкин.
Меҳнат кодекси 269-моддаси иккинчи қисмининг 6-бандига кўра, ходим қайси иш йили ҳисобига таътил олиб бўлган бўлса, ўша йил тугагунига қадар меҳнат шартномаси бекор қилинганда таътилнинг ишлаб берилмаган кунлари учун ходимнинг ёзма розилигидан қатъи назар, иш ҳақидан ушлаб қолиш амалга оширилади.
Улашиш:
Бошқалар
Қайси ҳолларда ходимга ишланмаган вақт учун ҳақ тўланади?
Донор ходимларнинг тиббий кўрикдан ўтиши, қон топшириши ва ундан кейинги дам олиш куни учун ҳақ тўланади.
Сохта тўловга қобилиятсизлик учун қандай жавобгарлик бор?
Агар етказилган моддий зарар тўлиқ қопланган бўлса, шахсга озодликни чеклаш ёки озодликдан маҳрум қилиш жазоси қўлланилмайди.
Мустақилликнинг 35 йили: бирлик, тараққиёт ва фаровонлик сари
Бу йил халқимиз Ўзбекистон ўз давлат мустақиллигининг 35 йиллигини кенг нишонлайди.
Болаларга ҳимоя ордери бериш тартиби қандай?
Мазкур қонун болаларга нисбатан зўравонлик тушунчасини, унинг турларини, давлат органларининг ваколатларини ҳамда ҳимоя механизмларини комплекс тартибга солди.
