Ўзбекистон
18.06.2023
482
Ҳозирда инсоният томонидан "сайёра чегаралари" деб аталадиган хавф чизиқларининг деярли барчаси кесиб ўтилди. Олимлар гуруҳининг янги ҳисоботида айтилишича, Ердаги ҳаёт “хавфли зонага” яқинлашди. Янги тадқиқотга кўра, биз саккизта илмий жиҳатдан ўрнатилган “сайёра чегараларидан” еттитасини кесиб ўтдик, уларнинг бузилиши Ер экотизимларининг барқарорлигига таҳдид солади. Энди биз нафақат сайёранинг ҳаддан ташқари қизиб кетиши, соф табиатни барбод этилиши, балки унда яшовчи одамларнинг фаровонлиги нуқтаи назаридан ҳам "хавфли зонада" турибмиз. Турли мамлакатларнинг қирқдан ортиқ олимларидан иборат гуруҳ Ер экотизимларининг “ҳимоя панжаралари”ни ўрганишди. Тадқиқот “Nature” журналида чоп этилди. Қандай "сайёра чегаралари" кесиб ўтилди? Тадқиқотда саккизта чегара, жумладан, иқлим, ҳаво ва сув ифлосланиши, сув ифлосланиши ҳамда тоза сув захираси кўриб чиқилди. Ҳавонинг ифлосланиши биз кесиб ўтмаган ягона сайёра чегараси бўлиб, аммо хавф маҳаллий ва минтақавий даражада мавжуд бўлиб қолмоқда. Таъкидланганидек, иқлим ўзгариши одамларнинг айрим гуруҳлари учун аллақачон жиддий муаммога айланган. Тадқиқотчилар Шарқий Европа, Жанубий Осиё, Яқин Шарқ, Жануби-Шарқий Осиё, Aфрика, Бразилиянинг кўп қисми, Мексика, Хитой ва AҚШнинг ғарбий қисмидаги “қайноқ нуқталар”ни аниқладилар. Олимларнинг ҳисоб-китобларига кўра, Ернинг тахминан 2/3 қисми тоза сув хавфсизлиги мезонларига жавоб бермайди. Aгар Ер йилда бир бор шифокор кўригидан ўтганида "шифокор сайёрамиз оғир бемор эканлигини айтарди", деди Aмстердам университетининг экология профессори ва Ер комиссияси ҳамраиси Жойета Гупта. Агар буни олдини ўз вақтида олсак, бу ҳалокатли ташхис эмас. Олимларнинг сўзларига кўра, агар кўмир, нефт ва табиий газдан фойдаланиш усулларини, ер ва сувга нисбатан муносабатларимизни ижобий тарафга ўзгартирсак, сайёрани қайта тиклаш мумкин.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Контракт суммасидан 12 фоиз даромад солиғини қайтариб олиш тартиби қандай?
Солиқ кодексининг 378-моддаси 16-бандига кўра, олий таълим ташкилотларида ўқиш мақсадида ўзингиз, фарзандингиз, йигирма олти ёшга тўлмаган турмуш ўртоғингиз учун тўлайдиган даромадларингизга солиқ солинмайди. Мазкур имтиёз банклардан олган таълим кредитларингизни (фоизлари билан) қоплашга йўналтирилган даромадларга нисбатан ҳам қўлланилади.