Мамлакатимизда тадбиркорлик фаолиятига яратилаётган шароитлар йилдан-йилга кўпайиб бормоқда. Фуқароларнинг тадбиркорликни бошлаши, уни ривожлантириши ёки якунлаши жараёнида юзага келадиган саволларга аниқ ва ишончли жавоб бериш бугунги куннинг долзарб эҳтиёжларидан биридир. Шу мақсадда “Yurkitob.uz” электрон платформаси орқали тадбиркорлар, давлат хизматчилари ва соҳага қизиқувчилар учун навбатдаги муҳим қўлланма тақдим этилди.

Қўлланма тадбиркорлик фаолиятини бошлашдан уни тугатишгача бўлган тартиб-қоидалар юзасидан зарур бўлган барча ҳуқуқий маълумотларни бир жойда жамлаб, ўқувчиларга тушунарли тарзда ёритади. Қўлланма тадбиркорлик фаолиятини бошлашнинг асосий босқичлари, фаолиятни давлат рўйхатидан ўтказиш тартиби, фирма номини танлашга қўйилган талаблар, тадбиркорлик субектларини тугатиш жараёнлари ва амалдаги имтиёзлар ҳақида батафсил маълумот беради.

Мазкур қўлланмада шунингдек, тадбиркорлик субъектларининг ўз фаолиятини эркин танлаши, тадбиркорлик билан тўсиқларсиз шуғулланиши, давлат томонидан тўлиқ ҳуқуқий ҳимояга эга эканлиги борасида ҳам муҳим тушунчалар баён этилади. Ҳар бир бўлим амалий мисоллар ва аниқ тартиблар билан бойитилган бўлиб, фойдаланувчига қулай ёндашув асосида тузилган.

Қўлланма келтирилган маълумотлар тадбиркорлик фаолиятини тўғри режалаштиришда, зарур рухсатномалар ва ҳужжатларни расмийлаштиришда ҳамда тадбиркорлик субъектлари манфаатларини ҳимоя қилишда амалий ёрдам беради.

Мазкур қўлланма “Юридик кутубхона” – “Yurkitob.uz” тизими орқали кенг жамоатчиликка тақдим этилмоқда. Қўлланма билан қуйидаги ҳавола орқали батафсил танишишингиз мумкин: https://yurkitob.uz/uz/books/97