currencies image

12 650,09 UZS

29,90

usd

currencies image

13 759,50 UZS

19,85

eur

currencies image

143,18 UZS

0,16

ru



АсосийЯнгиликларТалабалар учун битирув аттестацияси: муҳим 8 қоида

Талабалар учун битирув аттестацияси: муҳим 8 қоида

Ҳуқуқ

calendar

03.05.2024

eye

1 262

Талабалар учун битирув аттестацияси: муҳим 8 қоида

ОТМ битирувчилари учун якуний давлат аттестациясининг турлари битирувчиларнинг иқтидори, хоҳиши ва таълим хусусиятидан келиб чиққан ҳолда белгиланади. Фанлардан 4 баҳо олганларга ҳам «имтиёзли» диплом берилиши мумкин.

1. Хорижий тил бўйича мажбурий эмас: ОТМ Кенгаши қарорига асосан ўтказилиши мумкин

ОТМ битирувчилари (бакалавр ва магистр) учун якуний давлат аттестацияси ҳар бир таълим йўналиш (мутахассислик) бўйича ташкил этиладиган якуний давлат аттестация комиссиялари томонидан амалга ўтказилади.

Якуний давлат аттестацияси таълим йўналиши (мутахассислиги) ўқув режаларига мувофиқ қуйидаги турлардаги аттестация синовларидан иборат:

хорижий тил бўйича якуний давлат аттестация синови (ОТМ Кенгаши қарорига асосан ўтказилиши мумкин);

таълим йўналиши бўйича фанлараро (мажбурий фанлар) якуний давлат аттестация синови;

диплом лойиҳаси ҳимояси;

битирув малакавий иш (магистрлик диссертацияси) ҳимояси.

Хорижий тил бўйича якуний давлат аттестацияси синови талабаларга ўқитилган материалларни улар томонидан ўзлаштирилганлик даражасини аниқлашга йўналтирилган бўлиши керак. Бу дегани ўқиш давомида умуман ўтилмаган янги мавзулардан синов бўлиши мумкин эмас.

2. Аттестация турини танлашда талабалар хоҳиши инобатга олиниши керак

Якуний давлат аттестациясининг турлари яъни мажбурий фанлардан аттестация синови ёки диплом лойиҳаси ҳимояси ёхуд битирув малакавий иши (магистрлик диссертацияси) ҳимояси шаклида ўтказилиши битирувчиларнинг иқтидори, хоҳиши ва таълим хусусиятидан келиб чиққан ҳолда ОТМ Кенгаши қарори билан белгиланади.

ОТМ Кенгаши қарори билан битирувчилар учун белгиланган якуний давлат аттестациясининг шакли бир ўқув йили давомида ўзгартирилиши мумкин эмас.

3. Баҳолаш мезонлари 3 ой олдин эълон қилиниши керак

Якуний давлат аттестацияси синовларининг дастурлари ва баҳолаш мезонлари улар бошланишидан камида 3 ой олдин талабалар эътиборига етказилиши керак.

Шунингдек, якуний давлат аттестацияси синовлари усулларига (ёзма, тест ёки оғзаки усул) оид маълумот ҳақида ҳам талабалар 3 ой олдин хабардор қилиниши керак.

4. Фанлардан қарздорлиги борлар аттестацияга қўйилмайди

Якуний давлат аттестациясига ўқув режа ва фан дастурларини тўлиқ тугатган ва ўқув режасида назарда тутилган барча синовлардан муваффақиятли ўтган талабалар қўйилади. Демак, фанлардан қарздорлиги борлар якуний аттестацияга қўйилмайди.

5. Плагиат баҳонинг бекор бўлишига сабаб бўлади

Якуний давлат аттестацияси натижалари мажлис баёни расмийлаштирилгандан сўнг шу куннинг ўзида эълон қилинади.

Ҳар қандай аттестация синовларида плагиатга йўл қўйилмайди. Плагиат аниқланганда битирувчига аттестация синовидан қониқарсиз баҳо қўйилади ёки қўйилган ижобий баҳо бекор қилинади.

6. 4 баҳо олган битирувчи ҳам «имтиёзли» диплом олиши мумкин

Фанларни ўзлаштиришда катта ютуқларга эришган ва ўқув режасидаги барча фанларнинг камида 3/4 қисми бўйича 86 балл ва ундан юқори, бошқа фанлардан эса 71 балл олган, шунингдек, аттестация бўйича камида 86 балл олган бакалавр битирувчисига «имтиёзли» диплом берилади.

7. Аттестациядан ўта олмаганларга 3 йил вақт берилади

Аттестациядан ўта олмаганлар ўқиш тугагандан сўнг, аризасига мувофиқ аттестацияни кейинги 3 йилда қайта топшириш ҳуқуқига эга.

Аттестациядан кейинги 3 йилда ҳам қайта ўта олмаган талабага академик маълумотнома берилади ва у тўлов-контракт асосида 4-курсга (битирув курсига) қайта тикланиши мумкин.

Узрли сабаб билан аттестацияга келмаганлар ректор буйруғи билан аттестациялар якунланишигача бошқа муддатларда ўтказиладиган аттестацияга киритилиши мумкин.

8. Апелляция 3 кунда берилиши керак

Баҳосидан норози бўлган битирувчилар баҳолар эълон қилингандан кейин 3 кунда апелляция бериши мумкин. Апелляция комиссияси аризани кўриб чиқиб ўз хулосасини битирувчига бир кун муддат ичида маълум қилиши лозим.

Улашиш:

Бошқалар

29-апрел 2024, 13:31
14 337

«Жаннат оналар оёғи остида» фильми тармоқларда тарқалди. Интернет-қароқчилик учун қандай жавобгарлик бор?

Фильмни тарқатиш қай даражада қонуний? Агар кишилар бир-бирига шахсий хабарлар орқали жўнатишсачи? Фильмни рухсатсиз тарқатганлик учун қандай жавобгарлик бор ва уни кино ижодкорларнинг аризасисиз ҳам қўллаш мумкинми? Hudud24.uz қуйидаги мақола орқали шу саволларга жавоб беради.


6-май 2024, 13:57
1 934

Уй-жой учун субсидия олиш тартиблари ўзгартирилди. Нималарни билиш керак?

Ипотека асосида янги уй олаётганда кредитни суғурта қилиш бекор қилинди. Бир марталик субсидия миқдори 30 млн сўм этиб белгиланди.


16-май 2024, 04:11
1 898

Блогер товламачилик қилаётганда ушланди

Агар ҳаётда инсоннинг бўйни меҳнатга ёр бермаса, у бировнинг ҳақига кўз олайтира бошлайди. Яъни осон пул топишга уринади. Оқибатда ўғирлик, талончилик, фирибгарлик ёки товламачилик сингари оғир ва ўта оғир жиноятларга қўл уради.


10-май 2024, 13:12
1 830

Ҳадя шартномаси бўйича муҳим қоидалар

Кўплаб фуқаролар бир-бирига ҳадялар беришади, лекин ҳадя шартномаси шартларига амал қилишмайди. Бу эса кейинчалик ҳадя шартномасининг ҳақиқий эмаслигига ёки ҳадянинг қайтариб олинишига сабаб бўлади. Hudud24.uz ушбу мақолада ҳадя шартномаси ҳақида маълумот беради.