Ижтимоий тармоқларда Юнусобод туманидаги 97-мактаб ўқувчилари мактаб ошхонасида кучли тутун чиқарувчи моддани тутатгани ҳақида хабарлар тарқалди. Тошкент шаҳар ММТБ ҳолатга изоҳ берди.

Қайд этилишича, мазкур ҳолат Тошкент шаҳар мактабгача ва мактаб таълими бошқармаси ишчи гуруҳи томонидан ўрганилган. 2023 йил 14 декабр куни соат 10:15 ларда Юнусобод туманидаги 97-сонли умумтаълим мактабининг ошхонасида 11-синф ўқувчиси И.Ж. танаффус вақтида ёнида бўлган "димавушка"номли қўлбола ясалган кучли тутун чиқарувчи моддани тутатганли аниқланган.

Бу ҳодисани шу мактабнинг 9-синф ўқувчиси А.А. ўзининг уяли телефони орқали видеотасвирга олган ва ижтимоий тармоқдаги саҳифасига жойлаштирган ҳамда тарқатган.

Ҳозирда мазкур ҳолат юзасидан терговга қадар суриштирув ишлари олиб борилаётгани маълум қилинган.