Ўмонда "Made in Uzbekistan" бренди остидаги маҳсулотлар кўргазмаси ташкил этилади
Life Style
25.04.2024
145
Ўзбекистон элчиси Адусалом Хатамов Ўмон Савдо-саноат палатаси (ССП) раиси шайх Фейсал ал-Раввос билан учрашув ўтказди.
Мулоқот чоғида савдо-иқтисодий, инвестициявий ва бошқа соҳаларда Ўзбекистон-Ўмон ҳамкорлигининг бугунги ҳолати ва истиқболлари муҳокама қилинди.
Томонлар Ўмон ишбилармон доира вакилларининг Ўзбекистонда инвестициявий лойиҳалардаги иштирокини фаоллаштириш, мамлакатимизда етиштирилган қишлоқ хўжалиги маҳсулотлари экспортини кенгайтириш масалаларига алоҳида эътибор қаратдилар.
Шайх Фейсал ал-Раввос жорий йилнинг 2-3 май кунлари бўлиб ўтадиган учинчи Тошкент халқаро инвестиция форуми ишида Ўмон Савдо, саноат ва инвестицияни ривожлантириш вазирлиги ва Савдо-саноат палатаси делегацияси иштирок этишини билдирди. Форум доирасида Ўзбекистон ва Ўмон Савдо-саноат палаталари ўртасида янгиланган англашув меморандумини имзолаш режалаштирилган.
Учрашув якунида Маскатда "Made in Uzbekistan" бренди остидаги ўзбек маҳсулотлари кўргазмасини ташкил этиш бўйича келишувга эришилди.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Фамилиямни ўзгартирмоқчиман. Исм, ота исмини ўзгартириш тартиби қандай?
Айрим ҳолларда йигит-қизларнинг исмим ўзимга ёқмаяпти, деган гаплари эшитилиб туради. Хўш, исмни ўзгартириш тартиби қандай? Фуқаролик кодексининг 19-моддасида: фуқаро қонунда белгиланган тартибда ўз исмини ўзгартиришга ҳақли. Фуқаронинг ўз исмини ўзгартириши аввалги исми билан олган ҳуқуқ ва бурчларини бекор қилиш ёки ўзгартириш учун асос бўлмайди.
