Ўзбекистон ички ишлар вазири ўринбосари, генерал-майор Даврон Назармуҳамедов бошчилигидаги делегация 7-13 май кунлари ташриф билан Корея Республикасида бўлди.

Ўзбекистон делегацияси ташриф давомида Корея Миллий полиция агентлиги, Корея Миллий полиция университети, Полиция малакасини ошириш институти, Терговчиларни тайёрлаш институти, Сеул полицияси агентлиги ва Йўл ҳаракати назорати миллий марказида бўлди. Ички ишлар вазирлиги вакиллари Корея Миллий полиция агентлиги, шунингдек, унинг таълим муассасалари фаолияти билан танишди, полиция агентлиги тузилмаси ва полиция кадрларини тайёрлаш дастурини ўрганди.

Корея Миллий полиция агентлиги раҳбарияти билан учрашувлар ўтказилди. Унда томонлар ҳуқуқни муҳофаза қилувчи органлар ходимларини тайёрлаш ва малакасини ошириш бўйича тажрибаси ошириш, шунингдек, томонларни қизиқтирган кенг кўламли йўналишларда ҳамкорликни янада кенгайтириш масалалари муҳокама қилинди. Келгусида ҳамкорлик ва тажриба алмашиш мақсадида ишчи алоқалар ўрнатилди.

Корея Миллий полиция агентлиги делегациясининг Ўзбекистонга жавоб ташрифини ташкил этиш бўйича келишувга эришилди.