Ўзбекистоннинг маданий туризм салоҳиятини оширишга катта эътибор қаратилади. Бу ҳақда Президент Бутунжаҳон туризм ташкилоти Бош Ассамблеяси 25-сессиясида таъкидлади. “Мамлакатимизда 8 мингдан ортиқ маданий мерос объекти мавжуд бўлиб, уларнинг атиги 10 фоизи томоша қилинмоқда, холос. Биз бой маданий меросимизни бутун дунёга кенг тарғиб этиш учун “Кўҳна тарих дурдоналари” миллий дастурини қабул қиламиз. Унинг доирасида: - туристларни ўзига жалб қиладиган маданий мерос объектлари сони 800 тадан 2,5 мингтага етказилади; - 745 та маданий мерос объекти реставрация қилинади, 20 та ёдгорликларда “очиқ осмон музей”лари ташкил этилади. Тарихий объектларни реставрация қилиш, уларнинг атрофидаги инфратузилмани яхшилаш учун тизимли ишларни давом эттирамиз”, деди Шавкат Мирзиёев.