Ўзбекистонда шахсларнинг маълумотини сохталаштиришга нисбатан жазо кучайтирилади
Ўзбекистон
25.10.2023
1 061
Жорий йилнинг 24 октябрь куни Олий Мажлис Сенатининг Ахборот сиёсати ва давлат органлари фаолиятида очиқликни таъминлаш масалалари қўмитасининг йиғилиши бўлиб ўтди. Бу ҳақда Олий Мажлис Сенатининг матбуот хизмати хабар берди. Йиғилишда Олий Мажлис Сенатининг навбатдаги ялпи мажлиси кун тартибига киритилган масалалар ҳам муҳокама қилинган. Сўнгги пайтларда Ўзбекистонда ҳам интернет орқали мобил қурилмалар, шунингдек, ижтимоий тармоқлар ва мессенжерлардаги аккаунт ёки каналларни блоклаш ҳолатлари тез-тез учраб турибди. Бу кўпинча зарарли дастурларни юбориш, шахсий маълумотларни ўчириш, ўзгартириш ёки таҳдид қилиш орқали пул ишлаб олиш ва бошқа моддий манфаатларни кўзлаш натижасида юзага келмоқда. Шу билан бирга, одамларнинг фотосуратлари, овозлари ва бошқа биометрик маълумотларини турли дастурлар ёрдамида сохталаштириш ҳолатлари кўп учраяпти. Бу каби ҳуқуқбузарликларни содир этаётганлар учун жазони кучайтириш мақсадида Ўзбекистон Республикаси Жиноят кодексига ўзгартишлар киритиляпти. Шунингдек, Жиноят кодекси ва Маъмурий жавобгарлик тўғрисидаги кодекс крипто-активларнинг ноқонуний муомаласи, жумладан, ноқонуний майнинг фаолияти учун ҳам жазони кучайтиради. Йиғилишда сенаторлар қонун қабул қилингандан кейин ҳуқуқ-тартибот орган ходимлари аҳоли ва жамоатчилик ўртасида мазкур масалалар доирасида тарғибот ишларини кучайтиришни таъкидлашган. Қонун лойиҳаси юқори палатанинг кейинги ялпи мажлисларидан бирида кўриб чиқилади.
Улашиш:
Бошқалар
Фуқаролар қанча миқдорда нақд пулларни чет элга олиб чиқиш мумкин?
Белгиланган суммадан ортиқ миқдордаги нақд валюта маблағларининг Ўзбекистон Республикаси ҳудудидан ташқарига олиб чиқилишига йўл қўйилмайди.
ФҲДЁ органларининг ҳуқуқ ва мажбуриятлари нималардан иборат?
ФҲДЁ органларининг фаолияти юзасидан белгиланган тартибда Адлия вазирлиги ва ҳудудий адлия органларига ҳисобот бериши шарт.
Қандай ҳолатлар меҳнат ва машғулотлар соҳасида камситишни тақиқлаш тўғрисидаги талабларни бузадиган шартлар ҳисобланади?
Амалиётда дастлабки синов муддати билан ишга қабул қилинган ходимларга бир хил ишни бажарадиган ҳамкасбларига нисбатан меҳнатига тўланадиган ҳақининг камайтирилган миқдорини ўрнатиладиган ҳолатлар учраб туради.
Давлат органлари ва ташкилотлари функцияларининг мазмун-моҳиятига бағишланган янги услубий қўлланма
Қўлланмада давлат органлари ва ташкилотларининг вазифа ва функциялари ўзаро боғлиқ тушунчалар экани тушунтирилади.
Мавзуга доир янгиликлар:
Қашқадарёда 1,1 млрд сўмлик газ конденсати ўғирланди. Бунинг учун қонунчиликда қандай жавобгарлик белгиланган?
Ҳолат юзасидан жиноят иши қўзғатилиб, 5 нафар шахс процессуал тартибда ушланган.
Тошкентда фирибгарликда гумонланган 2 киши қамоққа олинди. Фирибгарлик учун қандай жазо белгиланган?
Улар ЖКнинг 168-моддаси билан тергов қилинаётган жиноят иши доирасида жиноят содир этганликда гумонланиб ушланган.
Тошкентда товламачиликда гумонланаётган 2 нафар жиноий гуруҳ аъзоси қўлга олинди. Товламачилик учун қандай жавобгарлик бор?
Гуруҳнинг бири аъзоси қидирувда.
IMEI кодларни ўзгартириш учун жавобгарликдан товламачилик жинояти диспозицияси ўзгаришигача – Қонун билан бир қатор кодексларга ўзгартириш ва қўшимчалар киритилди
Энди шахсни шарманда қиладиган уйдирмалар тарқатиш билан қўрқитиб пул талаб қилиш товламачилик деб баҳоланади.