Ўзбекистон
01.07.2022
377
Баъзида турли интернет нашрларида, оммавий ахборот воситаларида айрим шахслар ҳақида ҳақоратли, уйдирмага асосланган ҳамда ҳали тўғрилиги исботланмаган маълумотларга кўзимиз тушиб қолади. Хўш, бундай ҳаракатлар учун қонунчиликда қандай жавобгарлик назарда тутилган? Маъмурий жавобгарлик тўғрисидаги кодекснинг 202(2)-моддасида шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш базавий ҳисоблаш миқдорининг эллик баравари миқдорида жарима солишга сабаб бўлиши белгилаб қўйилган. Шунингдек, мазкур ҳуқуқбузарлик учун қонунчиликда жиноий жавобгарлик ҳам кўзда тутилган бўлиб, Жиноят кодексининг 244(6)-моддасига асосан шахснинг қадр-қиммати камситилишига ёки унинг обрўсизлантирилишига олиб келадиган юқоридаги ҳаракатларни қилиш базавий ҳисоблаш миқдорининг бир юз эллик бараваригача миқдорда жарима ёки икки юз қирқ соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш билан жазоланади. Бунда шахсни жиноий жавобгарликка тортиш учун шахс худди шу қилмиш учун илгари маъмурий жавобгарликка тортилган бўлиши лозим. Бундан ташқари, қилмишнинг ижтимоий хавфли оқибатларидан келиб чиқиб, Жиноят кодексида оғирроқ жазо чоралари ҳам кўрсатиб ўтилган. Шу сабабли, ҳозирги ахборот алмашинуви тезлигининг жадал ривожланиши жараёнида биз тарқатаётган ахборотимизнинг тўғрилиги ва ҳаққонийлигига алоҳида эътибор қаратишимиз лозим. Фирдавс Бозорқулов, Адлия вазирлиги масъул ходими
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Давлат хизматчиларининг одоб-ахлоқ қоидалари белгиланди: раҳбарлар жазоланадими?
Пенсияни ҳисоб-китоб қилишда янги тартиблар белгиланди
Алимент миқдорини ўзаро келишув орқали белгилаш мумкин
Ота-оналик ҳуқуқини тиклаш мумкинми?