Адлия вазирлигининг юридик техникумларига кириш тест синовлари 29-30-август кунлари бўлиб ўтади. Тест синовлари 2 сменада ўтказилади:

• 1-смена: 09:00 дан 12:00 га қадар;
• 2-смена: 15:00 дан 18:00 га қадар.

Тест синовлари 2 та мутахассислик фани (ҳуқуқшунослик, чет тили) ва 3 та мажбурий фан (она тили, математика, Ўзбекистон тарихи) дан ўтказилади. Бунда талабгорларга мутахассислик фанларида 30 тадан, мажбурий фанларда 10 тадан жами 90 та тест топшириғи ва уларни ишлаш учун 3 соат вақт ажратилади. Тест синовларида тўплаш мумкин бўлган максимал балл – 189 балл бўлиб, ҳуқуқшунослик фанида ҳар бир тўғри жавоб учун 3,1 баллдан (жами 93 балл), чет тили фанида 2,1 баллдан (жами 63 балл),  мажбурий фанларда 1,1 баллдан (жами 33 балл) берилади. Талабгорлар тест синовида иштирок этиш учун рухсатномани Билимни баҳолаш агентлигининг my.uzbmb.uz сайтидан олишлари мумкин. Талабгорлар тест ўтказиладиган ҳудудга паспорт (ID-карта) ва рухсатнома билан белгиланган вақтдан камида 1 соат олдин келишлари лозим.