Жиззах вилояти Экология бошқармасига Зомин туманидаги дам олиш масканларида чиқиндилар сувга ташланаётгани тўғрисида мурожаат келиб тушган. Мурожаат бошқарма ишчи гуруҳи томонидан ўрганилди. Ўрганиш давомида дам олиш масканларидаги сувларни ифлослантириш, белгиланмаган жойларга чиқинди ташлаш, сув тўплагич иншоотларида сувни муҳофаза қилиш режимини бузиш, сув объектларига оқинди сувларни оқизиш каби ҳуқуқбузарликлар содир этилгани аниқланган. Юқоридаги ҳолатлар юзасидан МЖтКнинг 72-модда 1-қисми, 65-модда 4-қисми, 91/1-модда 1-қисми, 91-модда 1-қисми билан 21 нафар шахсга маъмурий иш қўзғатилиб, 33 млн 999 минг минг сўм миқдорида жарима солинган. Бундан ташқари, йўл қўйилган ҳолатларни бартараф этиш юзасидан тушунтириш ишлари олиб борилган. Атроф-муҳитга зарар келтирувчи ҳар қандай ҳуқуқбузарлик қатъий жазоланиши ҳақида огоҳлантирилган.