ЖССТ номаълум эпидемияга ҳозирлик кўрмоқда
Life Style
15.01.2024
1 226
CОVID-19 пандемияси инсоният учун сабоқ бўлди. Ҳозир коронавирус билан курашиш тажрибасига эгамиз. Аммо қурбонлар кўп бўлди ва ҳамон касаллик минглаб беморлар ўлимига сабаб бўлмоқда.
Мутахассислар фикрича, келгусида бошқа патогенлар ҳам пайдо бўлиши эҳтимоли катта. Атроф-муҳитдаги ўзгаришлар, экологик муаммолар ҳамда биологик қуролланиш авж олиши бунинг асосий омили сифатида баҳоланяпти.
Шу боис ЖССТ экспертлари “Х” хасталигига жиддий тайёргарлик кўриш тарафдори. Чунки номаълум эпидемиянинг исталган пайтда пайдо бўлиш хавфи мавжуд.
Жорий йилнинг 17 январь куни Швейцариянинг Давос шаҳрида ўтказиладиган Жаҳон иқтисодий форумида ана шу масала ҳам муҳокамалар марказида бўлади. Унда ЖССТ бош директори Тедрос Гебрейесус, AstraZeneca" фармацевтика компанияси директорлар кенгаши раиси Мишель Демаре, тиббий технологиялар ишлаб чиқаришга ихтисослашган "Philips" компанияси бош директори Рой Якобс ва бошқалар иштирок этиши кутиляпти.
Тадбир сайтида қайд этилишича, “Х" касаллиги коронавирусдан 20 баробар хавфлироқ асоратларни келтириб чиқиши мумкин. Шу сабабли ЖССТ барча потенциал хавфли патогенлар учун вирусга қарши препаратларни олдиндан яратиш зарур, деган хулосада.
Клиник синовларга имкон қадар тезроқ киришилса, эпидемия пайтида тажрибаларнинг иккинчи босқичи учун ихтиёримизда дорилар мавжуд бўлади. Шу сабабли 2022 йил ноябрь ойида ЖССТ номаълум патогенни ўрганиш учун 300 га яқин экспертлар гуруҳини тадқиқотларга жалб қилган.
Улашиш:
Бошқалар
Кўчмас мулк ва транспорт воситалари олди-сотдисида янги босқич: электрон тўлов тизимига ўтиш
Тарафлар ўзаро келишувга эришгач, харидор ёки унинг вакили банкка мурожаат қилиб, тегишли маълумотлар акс эттирилган ариза тақдим этади.
Қандай ҳолатлар никоҳ тузишга монелик қиладиган ҳолатлар сифатида баҳоланади?
Никоҳ — бу икки шахснинг ихтиёрий ва тенг ҳуқуқли иттифоқи бўлиб, у нафақат маънавий, балки жиддий юридик оқибатларни келтириб чиқарадиган шартнома ҳисобланади.
Кўп қаватли уйларда яшашнинг айрим қоидалари
Қўшнилар подездларда ёки зинапояларда ўзларининг шахсий буюмларини (шкаф, эски мебел, қурилиш чиқиндилари) сақлашга ҳақли эмаслар. Бу ёнғин хавфсизлиги қоидаларига зид.
Меҳнат дафтарчасининг ҳуқуқий аҳамияти қандай?
Меҳнат дафтарчаси — бу ходимнинг меҳнат фаолияти ва иш стажини тасдиқловчи асосий восита.
Мавзуга доир янгиликлар:
ЖССТ: Дунёда тамаки истеъмолчилари сони камаймоқда
Ер юзида 1,25 миллиард киши ҳамон чекувчилар сафида.
Омикроннинг янги вариантида коронавирусга хос бўлмаган икки янги аломат пайдо бўлди
Жаҳон соғлиқни сақлаш ташкилоти томонидан "хавотирли мутация" сифатида кузатув остига олинган "омикрон" штаммининг JN.1 субверсияси ҳозир дунё бўйлаб тез суръатда тарқалмоқда.
ЖССТ болалар ва ёшлар энг кўп нимадан ҳалок бўлаётганини маълум қилди
Ташкилот томонидан эълон қилинган навбатдаги глобал ҳисобот болалар ва ёшлар ўртасида юз бераётган ўлим ҳолатларининг асосий сабаби таҳлилига бағишланди.
ЖССТ коронавирусни даволаш бўйича тавсияларини янгилади