“Бутунжаҳон ёшлар фестивальи” доирасида Ёшлар ишлари агентлиги томонидан “Меҳрли қўллар” фонди, AVO Bank ва “We Digital marketing” агентлиги ҳамкорлигида “Орзу” номли биринчи ноёб кўргазма-аукциони ташкил этилмоқда.

“Орзу”- лойиҳаси инсон ижодкорлиги ва сунъий интеллектнинг ўзига хос уйғунлашувидир. Кўргазмада 15 нафар кўзи ожиз болаларнинг таассуротлари асосида яратилган асарлар намойиш этилмоқда. Ушбу расмлар шунчаки суратлар эмас, балки болаларнинг чуқур ва таъсирчан ҳаёллари ва тасаввурларининг аксидир.

Кўргазмада сунъий интеллект томонидан яратилган ва “Sharm Studio” рассомлари томонидан қоғозга кўчирилган 20 та расм намойиш этилган.

Хайрия кўргазмасида ижодий ишларни сотишдан тушган маблағлар кўзи ожиз болаларнинг кўриш қобилиятини тиклаш бўйича операцияларга йўналтирилади. Аукционга ташриф буюриб болаларнинг орзу қилган дунёсини кўришларига ёрдам берасиз.

Экспонатларни сотиб олиш мумкин бўлган ким ошди савдоси 29-июнь куни бўлиб ўтади. Яхшилик улашган ҳолда болаларга ўз орзуларидаги дунёни кўришга ёрдам беринг. Ҳар бир инсон лойиҳага Payme, Click ва Payze тўлов хизматлари орқали ёрдам бериши мумкин.

“Орзу” лойиҳаси бизга тасаввур кучини ва ҳар бир боланинг орзуларини қўллаб-қувватлаш қанчалик муҳим эканлигини эслатади.

📆Кўргазма 2024 йил 27-30 июнь кунлари бўлиб ўтади.

Аукцион савдо  29-июнь, соат 17:00 да ўтказилади.

Манзил: Тошкент фотосуратлар уйи.