Бутунжаҳон фотосуратлар танловида ғолиб бўлган асар сунъий интеллект томонидан яратилган бўлиб чиқди
Ўзбекистон
28.04.2023
1 409
Немис фотографи Борис Элдагсен Sony World Photography Awards мукофотидан бош тортди, чунки унинг иши аслида сунъий интеллект томонидан яратилган бўлиб чиқди. Бутунжаҳон фотосуратлар ташкилоти томонидан ўтказилган Sony World Photography Awards танлови сунъий интеллект томонидан яратилган санъат мавзуси атрофида янги баҳс-мунозараларга сабаб бўлди. Германиялик фотограф Борис Элдагсен танловга “Pseudomnesia: The Electrician” асарини тақдим этди ва “Ижодкорлик” номинациясида ғолиб чиқди. Бироқ, танловда ғолиб бўлган тасвир аслида DALL-E 2 ёрдамида сунъий интеллект томонидан яратилган эди. Элдагсен ҳақиқий фотосурат ва сунъий интеллект томонидан яратилган асарни бир-биридан фарқлаш керак деган позициядан келиб чиқиб, совринни рад этишга қарор қилди. “Очиқ танловларда қатнашиб, мен бу жараённи тезлаштирмоқчиман, шунда мукофот ташкилотчилари бу фарқни тан олиши ва сунъий интеллект ёрдамида яратилган тасвирлар учун алоҳида танловлар ташкил этиши мумкин”, — деди Элдагсен. "SI тасвирлари ва фотография бундай мукофотда бир-бири билан рақобатлашмаслиги керак. Улар турли объектлар. SI фотограф эмас ", деб ёзди Элдагсен ўз веб-сайтида. "Шунинг учун мен бу мукофотни қабул қилмайман. Мукофотни рад этишими орқали, умид қиламанки, бу мунозараларга якун ясалади". Элдагсеннинг ғалабаси баҳс-мунозараларга сабаб бўлди, фотографлар ҳеч қандай фотокамерасиз яратилган тасвир ҳақиқий фотографлардан устун келиб, бош совринни қўлга кирита олганини танқид қилишди. Бу йилги Sony World Photography Awards ғолиблари ва номзодлари кўргазмаси Лондондаги Сомерсет уйида 2023 йил 1 майгача давом этади.
Улашиш:
Бошқалар
Фуқаролар қанча миқдорда нақд пулларни чет элга олиб чиқиш мумкин?
Белгиланган суммадан ортиқ миқдордаги нақд валюта маблағларининг Ўзбекистон Республикаси ҳудудидан ташқарига олиб чиқилишига йўл қўйилмайди.
ФҲДЁ органларининг ҳуқуқ ва мажбуриятлари нималардан иборат?
ФҲДЁ органларининг фаолияти юзасидан белгиланган тартибда Адлия вазирлиги ва ҳудудий адлия органларига ҳисобот бериши шарт.
Давлат органлари ва ташкилотлари функцияларининг мазмун-моҳиятига бағишланган янги услубий қўлланма
Қўлланмада давлат органлари ва ташкилотларининг вазифа ва функциялари ўзаро боғлиқ тушунчалар экани тушунтирилади.
Қандай ҳолатлар меҳнат ва машғулотлар соҳасида камситишни тақиқлаш тўғрисидаги талабларни бузадиган шартлар ҳисобланади?
Амалиётда дастлабки синов муддати билан ишга қабул қилинган ходимларга бир хил ишни бажарадиган ҳамкасбларига нисбатан меҳнатига тўланадиган ҳақининг камайтирилган миқдорини ўрнатиладиган ҳолатлар учраб туради.
Мавзуга доир янгиликлар:
Ҳайдовчисиз машиналардан тортиб экологияни ҳимоя қилишгача: Сунъий интеллект яна нималар қилиши мумкин?
Сунъий интеллект жадаллик билан ривожланиб, бизнинг яшаш, ишлаш ва дунё билан ўзаро муносабатимизни ўзгартирмоқда. Технологик тараққиёт даврида туриб, сунъий интеллектнинг улкан салоҳиятига гувоҳ бўлмоқдамиз. Hudud24.uz келгуси йилларда сунъий интеллектнинг ўзгартирувчи кучи ҳақидаги тахминий 7 истиқболни тақдим этади.
Ўзбекистонда соғлиқни сақлаш тизимига сунъий интеллект технологиялари татбиқ этилади
475 минг нафар ходимнинг рақамли технологиялар бўйича малакасини ошириш режалаштирилмоқда.
Сунъий интеллект жонзотларнинг ҳис-туйғуларини ўрганди
Япон олимлари сунъий интеллект ёрдамида товуқлар нимани ҳис қилишларини тушунишга муваффақ бўлди.
Сунъий интеллектга асосланган бошловчи яратилди
“Феда” номини олган виртуал тақдимотчи Твиттерда ўзини таништирди: "Мен Федаман, Kuwait Newsнинг сунъий интеллектга эга биринчи телебошловчисиман. Қандай янгиликларни маъқул кўрасиз? Фикрларингизни эшитамиз".