Штат бирликлари қисқариши муносабати билан менга огоҳлантириш хати берилди. Огоҳлантириш муддати тугагунча мукофот пулларини олишга ҳақлиманми? Ходимларга меҳнат шартномасини бекор қилиш ҳақида огоҳлантириш берилиши уларни бирор-бир меҳнат имтиёзлари ва кафолатларидан маҳрум қилишга асос бўлмайди. Огоҳлантириш муддати тугаб, токи меҳнат шартномаси бекор қилингунига қадар ходимнинг меҳнат муносабатлари аввал қандай бўлган бўлса, бирдек давом этади. Аксинча, қўшимча енгилликлар берилиши мумкин. Бирор-бир меҳнат қонунчилик ҳужжатларида огоҳлантириш муддати давомида ходимларни меҳнат имтиёзларидан маҳрум қилиш ёки уларнинг миқдорини камайтириш ҳақида нормалар кўрсатилмаган. Янги таҳрирдаги Меҳнат кодексининг 8-моддасига кўра, қонунчилик ҳужжатларида кўрсатилмаганми, бошқа ички ҳужжатларда ёки меҳнат келишувларида ҳам улардагидан кўра оғирлаштирувчи қоидаларни кўрсатиш мумкин. Ходимлар огоҳлантириш муддати давомида бошқа ходимлар билан бирдек мукофот пулларини олишга ва бошқа меҳнат имтиёзларидан фойдаланишга ҳақли.

Саволга "Адолат" миллий ҳуқуқий ахборот маркази масъул ходими Мафтуна Бегматова жавоб берди.