Ўзбекистон темир йўллари АЖ ижтимоий тармоқларда тарқалган, Сурхондарёда поезд йўлига Spark автомашинаси чиқиб кетиши оқибатида ЙТҲ содир бўлгани акс этган видео юзасидан муносабат билдирди. Қайд этилишича, бугун, 18 октябрь куни тахминан соат 08:47 атрофида Сурхондарё вилояти Шўрчи – Хайробод участкасидаги қўриқланмаган темир йўл кесишмасида шаҳарлараро поезд фавқулодда тормозланганига қарамай Spark билан тўқнашиб кетган. [caption id="attachment_22862" align="aligncenter" width="1280"] ФОТО: t.me/uzrailways_uz[/caption] Ушбу ЙТҲга Spark автомашинаси ҳайдовчиси томонидан “Темир йўл кесишмалари орқали ҳаракатланиш” қоидасини қўпол равишда бузгани сабаб бўлган. [caption id="attachment_22861" align="aligncenter" width="1280"] ФОТО: t.me/uzrailways_uz[/caption] Тўқнашув натижасида тепловоз бироз шикастланган, поезд йўловчилари жабрланмаган. Spark автомашинасининг ҳайдовчиси шифохонага етказилган ва кўрсатилган ёрдамларга қарамай шифохонада вафот этган. [caption id="attachment_22864" align="aligncenter" width="1280"] ФОТО: t.me/uzrailways_uz[/caption] Маълум қилинишича, мазкур ҳолат юзасидан текширув ҳаракатлари олиб борилмоқда.