Америка Қўшма Штатлари Давлат котиби Энтони Блинкен Туркия ташқи ишлар вазири Ҳоқон Фидан билан учрашиш учун Туркия пойтахти Анқарага борди. Блинкенни АҚШнинг Туркиядаги элчиси Жеффрй Флаке ва Туркия Ташқи ишлар вазирлигининг Америка қитъаси бўйича бош директори Япрак Балкан кутиб олган. Фидан ва Блинкеннинг Ғазодаги сўнгги вазиятни, минтақавий ва икки томонлама мавзуларни муҳокама қилиши кутилмоқда. Маҳаллий ОАВʼга кўра, Блинкенни кутиб олиш учун ҳеч қайси юқори мартабали расмий бормаган. Шунингдек, унинг самолёти қўнган аеропортдаги ташқи чироқлар ўчирилиб қўйилган. “ Туркия биринчи марта америкалик мулозимни ташқи ишлар вазири ёки юқори мартабали расмийсисиз кутиб олди”, – дейилади хабарда. АҚШ Давлат котиби кеча, 5 ноябрь куни Ғарбий Соҳилга ташриф буюриб, Фаластин Президенти Маҳмуд Аббос билан учрашди. Блинкеннинг кутилмаган ташрифи Ғарбий Соҳил билан чегараланиб қолмади, чунки у Ироқ ва Кипр Рум маъмуриятига ҳам ташриф буюрди. Бағдодга ташрифи чоғида Блинкен ўқ ўтказмайдиган жилет кийиб олган. Маълумот учун, Исроил ва Туркия ўртасидаги муносабатлар уруш бошланганидан сўнг ёмонлашган, икки давлат ўз дипломатларини олиб чиқиб кетган. Эрдўған Исроил Бош вазири Бенямин Нетаняхуни ҳаммасини тугатганини, бироқ Туркия Исроил билан алоқаларни узишни истамаслигини қўшимча қилган.