​​Йўловчи поездлар чипта нархига ўзгартиришлар киритилмоқда. Ўзбекистонда йўловчи поездлар чипта нархлари сўнгги марта 2018 йилда маҳаллий йўналишларда, 2019 йилда юқори тезликда ҳаракатланувчи “Afrosiyob” электропоездида  қайта кўриб чиқилган бўлиб, охирги 4-5 йил мобайнида тарифлар ўзгаришсиз қолиб келмоқда. 2019-2022 йиллар ва 2023йилнинг 9 ойи давомида Республикада иш ҳақи миқдори 2.4 баробарга, электроенергия ва ёқилғи нархларининг, логистика ва транспорт харажатларининг сезиларли даражада ошганлиги, шунингдек, йўловчи вагон паркларини янгилаш, янги поездларни харид қилиш, темир йўл вокзалларини замон талабларига мос равишда сақлашни ҳисобга олган ҳолда чипталар нархига ўзгартиришлар киритилмоқда. Шу муносабат билан “Ўзбекистон темир йўллари” АЖ йўловчи ташиш хўжалигидаги йўловчи чипталарни 2023 йилнинг 20 октябрь санасидан маҳаллий йўналишлардаги йўловчи поездлари чипта нархларининг тариф қисми 50% га, юқори тезликда ҳаракатланувчи “Afrosiyob” электропоездлари чипталари тўлиқ нархининг 100%га оширилишини маълум қилди.