Ҳиндистонда Eris номли коронавируснинг янги субвариантини юқтириш ҳолатлари аниқланди. Бу ҳақда The Economic Times хабар берган. Қайд этилишича, ҳозирда мазкур вирус тури Буюк Британияда кенг тарқалмоқда. ЭГ.5.1 штамми коронавируснинг омикрон туридан келиб чиққан бўлиб, у биринчи марта 2023 йилнинг мартида аниқланган, июль ойида эса Британияда қайд этилган. Дастлаб штамм хавотирга сабаб бўлмаган, аммо унинг тарқалиш тезлиги, касалланганлар сонининг кўпайиши бунинг аксини кўрсатмоқда. Ҳиндистон Соғлиқни сақлаш вазирлиги маълумотларига кўра, ўтган сутка давомида мамлакатда 54 та янги коронавирус ташувчиси аниқланган, оқибатда бутун мамлакат бўйлаб касалланганлар сони 1 574 нафарга етган.