Вакцинациялаш мажбурий қилиб белгиланган давлатлар
Ўзбекистон
30.07.2021
278
Адлия вазирлигининг Ҳуқуқий ахборот телеграм канали вакцинациялаш мажбурий қилиб белгиланган давлатлар рўйхатини эълон қилди. Австралия Жорий йил июнь ойини охирида карантинли меҳмонхоналарда кекса ёшдаги ишчилар ва хизматчилар учун COVID-19 вакцинаси билан эмлаш мажбурий қилинди. Токиога борадиган паролимпия спортчилари учун эмланиш мажбурий қилинган. Англия “Қариялар уйи” ишчилари учун октябрь ойидан бошлаб коронавирусга қарши эмлаш мажбурий бўлади. Франция 2021 йил 12 июлдан барча соғлиқни сақлаш ходимлари, кинотеатрга кирмоқчи ёки поездга чиқмоқчи бўлганлар эмланганлиги тўғрисида ҳужжатни ёки ковидга чалинмаганлиги бўйича салбий тест натижасини кўрсатиши шарт. Греция 2021 йил 12 июлдан қариялар уйи ходимлари эмланиши мажбурий, сентябрь ойидан фақат вакцина олган фуқаролар барлар, кинотеатрлар, театрлар ва бошқа ёпиқ жойларга киришига рухсат берилган. Индонезия 2021 йил февраль ойидан эмлаш мажбурий равишда амалга оширилмоқда. Индонезия пойтахти Жакартада вакцина олишдан бош тортганлиги учун 5 млн рупия (357 АҚШ доллари)гача жарима қўлланилиши белгиланган. Италия 2021 йил март ойида соғлиқни сақлаш ходимлари, шу жумладан фармацевтлар мажбурий эмланган. Рад этганларга йил давомида маош берилиши тўхтатилган. Қозоғистон 2021 йил июнь ойидан 20 дан ортиқ соҳада ишлайдиган одамлар мажбурий эмланган, эмлашдан бош тортганларда ҳафталик синовлар ўтказилган. Польша 2021 йил август ойидан бошлаб хавф юқори бўлган айрим тоифадаги одамлар учун эмлашни мажбурий амалга ошириш режалаштирилган. Россия Москвада 2021 йил июнь ойининг охиридан кафе, бар ва ресторанларга фақат эмланганлар ёки ковидга чалинмаганлиги тўғрисида салбий тест натижаси мавжуд бўлганлар киришига рухсат берилган. Саудия Арабистони 2021 йил май ойидан иш жойига бориб ишлаш учун давлат ва хусусий сектор ишчилари мажбурий эмланиши белгиланган (бунга муддат белгиланмаган). Шунингдек, 1 августдан бошлаб ҳар қандай давлат, хусусий ёки таълим муассасаларига кириш, жамоат транспортидан фойдаланиш учун мажбурий эмланиш белгиланмоқда.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Мавзуга доир янгиликлар:
“Вакцина одамларни чиплаш учун ўйлаб топилган экан” – вакцина атрофидаги фейклар
Коронавирус инфекциясига қарши оммавий эмлаш мажбурийми? Мажбурий эмланишдан бош тортиш мумкинми?
Шавкат Мирзиёев Марказий Осиё мамлакатлари ўртасида эмлаш сертификатларини тан олиш бўйича ягона ахборот тизимини ишга туширишни таклиф қилди
Адлия вазири мажбурий эмлаш бўйича қонунчиликка киритилаётган ўзгартиш ҳақида гапирди