Мисрдан Ўзбекистонга гепатит C’га қарши дори воситаларининг навбатдаги қисми жўнатилди
Ўзбекистон
21.08.2023
569
Миср ҳукумати томонидан Ўзбекистон учун инсонпарварлик ёрдами тариқасида ажратилган С гепатитига қарши “Даклатасвир” дори воситасининг навбатдаги туркуми 19 август куни Тошкентга жўнатилди, деб хабар бермоқда “Дунё” АА. Қайд этилишича, ушбу дори воситалари шанба куни “Uzbekistan Airways” миллий авиакомпанияси орқали Шарм аш-Шайхдан Тошкентга етказиб берилган. Жами 80 қутидан иборат 1 280 дона “Даклатасвир-60мг” дори воситалари Ўзбекистон Соғлиқни сақлаш вазирлиги ҳузуридаги вирусология илмий-тадқиқот марказида даволанаётган беморларга тарқатилади. Расмий маълумотларга кўра, Миср аҳолиси гепатит “В” ва “С” вирусларидан бутунлай холи ва мисрлик олимлар ўз тажрибаларини ўзбекистонлик мутахассислар билан бўлишишга тайёр. Ўзбекистон элчихонаси Миср соғлиқни сақлаш вазирлиги маълумотига таяниб хабар қилишича, жорий йилнинг 5-8 сентябрь кунлари Қоҳирада ўтказиладиган “Аҳоли, саломатлик ва ривожланиш бўйича глобал конгресс”да Ўзбекистон соғлиқни сақлаш вазири Амрилло Иноятов иштирок этиши кутилмоқда. Ушбу ташриф доирасида ўзаро ҳамкорликни кенгайтириш истиқболлари муҳокама қилинади.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Мавзуга доир янгиликлар:
2025 йилгача Мисрдан Ўзбекистонга гепатит С га қарши 4,2 миллион долларлик дори воситалари олиб келинади
Ҳозиргача умумий қиймати 696 минг АҚШ долларига тенг бўлган дори воситалари юборилган.
Футбол. Ўзбекистон МТЖ сўнгги дақиқаларда гол уриб Хитойни ютди, ёшлар терма жамоаси аламли мағлубиятга учради
Бугун, 16 октябрь куни Ўзбекистон миллий ҳамда олимпия терма жамоалари ўртоқлик ўйинларини ўтказишди.
Ўзбекистонга Мисрдан гепатит С га қарши дори воситасининг ўнинчи партияси келтирилди
Мисрдан Тошкентга гепатит C га қарши дори воситаларининг бешинчи партияси етказилди
Миср ҳукумати томонидан 2025 йилга қадар умумий қиймати 4,2 миллион АҚШ долларлик дори воситаларининг берилиши бўйича келишувга эришилган.